» » Müəllimlərə ödənişsiz dil təkmilləşdirmə təlimləri keçirilir

Müəllimlərə ödənişsiz dil təkmilləşdirmə təlimləri keçirilir

  • Müəllimlərə ödənişsiz dil təkmilləşdirmə təlimləri keçirilir

    Ardınca isə metodologiya təlimlərinə başlanacaq

    “Uğur üçün Tədris” (SPEX) layihəsi çərçivəsində Dil təkmilləşdirmə təlimlərinə start verilib.

    Bakı şəhər Təhsil İdarəsindən (BŞTİ) Hurriyyet.org-a verilən məlumata görə, Dil Təkmilləşdirmə təlimlərinin həyata keçirilməsində əsas məqsəd müəllimlərin İngilis dilində danışıq səriştəsinin artırılması, danışığın tədrisi və qiymətləndirilməsi qabiliyyətinin təkmilləşdirilməsidir.

    Hurriyyet.org-un “Təlimlər ödənişli əsaslarla aparılırmı” sualına BŞTİ-dən verilən cabada bildirilir ki, təlimlər ödənişsizdir: “Layihəyə cəlb olunmuş 54 pilot məktəbin xarici dil müəllimləri yanvarın 9-dan (09.01.2017) etibarən Bakı şəhəri üzrə 12 inzibati rayondakı təlim mərkəzlərində Beynəlxalq Aptis imtahanının naticələrinə uyğun olaraq müvafiq təlimlərdə iştirak edirlər.

    Onlayn şəkildə həyata keçirilən beynəlxalq Aptis imtahanında müəllimlər İngilis dilində 4 bacarıq-yazı, oxu, dinləmə və danışıq qabiliyyətləri üzrə imtahan verib. Təlim qrupları yaradılarkən müəllimlərin Aptis imtahanında əldə etdikləri nəticələrə uyğun olaraq qruplaşdırılması əsas götürülüb.

    Təlimləri layihədə digər əməkdaş qurum olan “British Council”un (Britaniya Şurası Təşkilatı) peşəkar təlimçiləri aparır. Dil təkmilləşdirmə təlimlərinin əsas məqsədi müəllimlərin İngilis dilində danışıq səriştəsinin artırılması, danışığın tədrisi və qiymətləndirilməsi istiqamətində bacarıqların təkmilləşdirilməsidir. Dil Təkmilləşdirmə təlimləri 120 akademik saatı əhatə edir və həftədə 2 dəfə olmaqla intensiv şəkildə həyata keçirilir”.
    Müəllimlərə ödənişsiz dil təkmilləşdirmə təlimləri keçirilir

    Məlumatda o da bildrilib ki, dil təkmilləşmə təlimi yekunlaşdıqdan sonra müəllimlər əldə etdikləri bilikləri praktiki yöndə daha da təkmilləşdirmə şansı qazanacaqlar: “Belə ki, müəllimlər Metodologiya təlimlərinə cəlb olunacaqlar. Metodologiya təlimi 40 akademik saatı əhatə edir. Metodologiya təlimləri boyunca müəllimlər 40 saatı əhatə edən məktəb əsaslı peşəkar görüşlərə cəlb olunacaq. Görüşlər zamanı müəllimlərin dərsləri müşahidə olunacaq və təlimçi- fasilitatorlar (bələdçi) tərəfindən müəllimlərə tədris prosesinin təşkili istiqamətində inkişafetdirici tövsiyələr veriləcək. Layihənin yekununa doğru başlanğıcda olduğu kimi müəllimlər üçün Beynəlxalq Aptis imtahanı yenidən keçiriləcək. İmtahan diaqnostika xarakteri daşıyır və layihə boyunca əldə olunmuş inkişafı ölçmə imkanı yaradır. Layihənin bütün mərhələləri ödənişsiz əsaslarla həyata keçirilir”.

    Nigar, Hurriyyet.org

    Qramatik səhv varsa Ctrl+Enter sıxıb redaktora məlumat göndərin
    OXŞAR XƏBƏRLƏR

    Комментарии

    Добавить комментарий
    Ваше Имя:
    Ваш E-Mail:

    Введите код:
    MƏDƏNİYYƏT
    ŞOU-BİZNES
    MÜSAHİBƏ




    «    Haziran 2017    »
    PtSaÇaPrCuCtPz
     1234
    567891011
    12131415161718
    19202122232425
    2627282930 
    QALEREYA