ATƏT-dən Ukraynadakı prezident seçkiləri ilə bağlı AÇIQLAMA

  • 2019-04-01 18:57:10
  • |
  • Dünya /

ATƏT-dən Ukraynadakı prezident seçkiləri ilə bağlı AÇIQLAMA

"Ukraynada keçirilən prezident seçkilərinin birinci turu rəqabət şəraitində keçib".

Hurriyyet.org report-a istinadən xəbər verir ki, bunu ATƏT-in Parlament Assambleyasının fəxri sədri İlkka Kanerva seçkilərdə beynəlxalq müşahidəçilər qrupunun nümayəndələrinin mətbuat konfransında bildirib.

“Ukraynadakı seçkilər tam siyasi rəqabət mühitində keçib, seçicilərin böyük rəqəmlərdə özünü büruzə verən geniş seçim imkanı olub”, - deyərək seçkilərə müsbət qiymət verən İ.Kanerva əsas azadlıqlara, ümumiyyətlə, əməl olunduğunu, yəni namizədlərin sərbəst şəkildə rəqabət apara bildiklərini qeyd edib.

ATƏT səsvermə günü qeydə alınan müəyyən pozuntuların ümumi nəticələrə təsir edəcək miqyasda olmadığı qənaətindədir.

Xatırladaq ki, Ukraynada martın 31-də keçirilən prezident seçkilərində protokolların 60 faizini hesablayan Mərkəzi Seçki Komissiyası rəsmi şəkildə seçkilərin ikinci turunun keçiriləcəyini açıqlayıb.

Loading...
Xəbərlərin arxivinə buradan baxa bilərsiniz

Reklam
51-ci buraxılışı
QALEREYA