Bakıda "playstation" oğruları tutuldu - FOTO

Bakıda "playstation" oğruları tutuldu - FOTO

Bakıda “playstation” aparatı və orijinal oyun diski oğurlayan şəxslər saxlanılıb.

Daxili İşlər Nazirliyinin Mətbuat xidmətindən Hurriyyet.org-a verilən məlumata görə, Yasamal Rayon Polis İdarəsinin 29-cu Polis şöbəsinə A.Şərifzadə küçəsindəki kompüter oyunları zallarının birindən oğurluq edilməsi barədə müraciət daxil olub.

Araşdırmalarla müəyyən edilib ki, fevralın 9-da günorta saatlarında həmin oyun zalına gəlmiş 2 gənc oyun kabinetlərindən birini rezerv ediblər. Bir neçə saat oyun oynayan gənclər müxtəlif yeməklər və enerji içkiləri də sifariş veriblər. Saat 17 radələrində oradakı 750 manat dəyərində “playstation” aparatını və 120 manat dəyərində orijinal oyun diskini geyimlərinin içində gizlətməklə oğurlayaraq zaldan qaçıblar.

29-cu Polis şöbəsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən 2 nəfər müəyyən edilərək saxlanılıb. Araşdırmalarla onların Lənkəran rayon sakini Nahid Mənsimov və Biləsuvar rayon sakini Tural Quluzadə olduqları müəyyən edilib.

Oğurlanmış “playstation” aparatı və disk maddi sübut kimi onlardan götürülüb.

Faktla bağlı cinayət işi başlanılıb. İstintaq aparılır.

Loading...
Xəbərlərin arxivinə buradan baxa bilərsiniz

Reklam
QALEREYA