Deputat kreditdən danışdı, spiker belə cavab verdi: "Bizə qanun layihəsi gəlib çıxmayıb"

Deputat kreditdən danışdı, spiker belə cavab verdi: "Bizə qanun layihəsi gəlib çıxmayıb"

Milli Məclis “İstehlak kreditləri haqqında” qanun layihəsi hazırlamalıdır.

Bu təkliflə parlamentin payız sessiyasının ilk iclasında deputat Əli Məsimli çıxış edib.

O bildirib ki, bu qanun layihəsini banklar hazırlasa, onlar öz maraqlarından çıxış edəcəklər: “Bununla bağlı ayrıca qanun layihəsi hazırlansın, ya da ki, Mülki Məcəlləyə ayrıca bənd əlavə olunsun. Banklar real sektora daha yaxın olmalıdır. Prezident İlham Əliyevin sosial paketi 4 milyon nəfəri əhatə edib. Düşünürəm ki, bu siyasət davam etdirilməlidir”.

Ə.Məsimli də çıxışında “Təhsil kreditləri haqqında” qanun layihəsinin qəbulunun labüdlüyündən danışıb: “Bu qanunun qəbulu minlərlə insanın ailə büdcəsinə təsir göstərəcək. Həmçinin təhsilin keyfiyyətinin yüksəlməsinə müsbət təsir edəcək”.

Spiker Oqtay Əsədov bununla bağlı qeyd edib ki, bildiyimə görə belə bir qanun layihəsi Milli Məclisə daxil olmayıb: “Hər dəfə məsələni qaldırırsınız. Amma bizə gəlib çıxmayıb qanun layihəsi. Göndərin, gəlsin”./report/