Deputat oğlunun ölüm səbəbi xizək qəzası deyilmiş - TƏFƏRRÜAT

Deputat oğlunun ölüm səbəbi xizək qəzası deyilmiş - TƏFƏRRÜAT

Milli Məclisin deputatı Əsabil Qasımovun dünən İsveçrədə qış turizm mərkəzində xizək sürərkən vəfat edən 29 yaşlı oğlu Elçin Qasımovun ölüm səbəbi əslində qəza deyilmiş.

Hurriyyet.org xəbər verir ki, bu barədə modern.az-a Milli Məclisin deputatı Əsabil Qasımovun yaxınları məlumat verib.

Bildirilib ki, mərhum Elçin Qasımov qəzaya uğramayıb, kanatla hərəkət edərkən yüksək qan təzyiqi yaranıb, sonra vəfat edib.

“Elçin İsveçrədəki qış turizm mərkəzindəki kanata minib. Kanatdan düşdükdən sonra isə onun vəziyyəti pisləşib. Dərhal həkimlər ona ilkin tibbi yardım göstəriblər. Bu zaman aydın olub ki, Elçin Qasımovun təzyiqi həddindən çox yüksəlib. Mərhumun ölümünə də səbəb məhz budur”.

Elçin Qasımovun subay olduğu da bildirilib.

Xatırladaq ki, dünən bir sıra mətbuat orqanlarında 29 yaşlı Elçin Qasımovun İsveçrədə xizək qəzasına düşməsi və hadisə nəticəsində ağır kəllə-beyin travması alaraq dünyasını dəyişməsi barədə məlumatlar yayılmışdı.

Qeyd edək ki, Əsabil Qasımov 79 saylı İmişli seçki dairəsindən deputat seçilib. O, Milli Məclisin İqtisadi siyasət, sənaye və sahibkarlıq komitəsinin üzvüdür.

Loading...
Xəbərlərin arxivinə buradan baxa bilərsiniz

Reklam
51-ci buraxılışı
QALEREYA