Gələn il təhsil haqları ARTIRILACAQ: ekspertdən BƏDBİN PROQNOZ

Gələn il təhsil haqları ARTIRILACAQ: ekspertdən BƏDBİN PROQNOZ

"Gələn ildən ali təhsil məssisələrində təhsil haqları artacaq".

Hurriyyet.org xəbər verir ki, təhsil eksperti Kamran Əsədov Lent.az -a bildirib ki, 2020-ci ildən bakalavriat səviyyəsində hər bir təhsil alana düşən xərclər artıb:

"2010-cu ildə təstiq olunmuş xərclərin miqdarı ilə 2020-ci il üçün nəzərdə tutulan xərclər arasında 300 manat və daha çox fərq var. Məsələn, 2010-cu ildə bakalavr pilləsinə düşən xərclərdə müalicə işi üçün 2 500 manat müəyyən edilmişdisə, 2020-ci il üçün müalicə işi ixtisasına 5 400 manat müəyyən olunub. Yaxud 2010-cu ildə heykəltəraşlıq 2 000 manat idisə, 2020-ci ildə 6 000 manat olacaq.

Müəllimlik ixtisasları üçün 2010-cu ildə 1 500 manat xərclər müəyyənləşmişdisə, 2020-ci ildə bu 1 710 və 1 850 manat müəyyənləşib".

Ekspert qeyd edib ki, bütün ixtisaslar üzrə 300 manatdan 2 000 manata qədər təhsil alana düşən xərclər artırılıb:

"Amma bunlar dövlət sifarişi ilə hər bir təhsil alana çəkilən faktiki xərcdir. Yəni, ödənişli əsaslarla fərqli rəqəmlər ola bilər.

Bildirim ki, bu ixtisaslar üzrə dövlət sifarişli qəbul olan hər tələbəyə görə büdcədən universitetə bu qədər vəsait ödənəcək. Amma ödənişli təhsil haqlarını isə universitetlər özü müəyyənləşdirir. Təbii ki, tələbələrin sayının artması ilə xərclərin də azlaması mümkündür".

K.Əsədov son olaraq deyib ki, 2020-ci ildə ödənişsiz plan yerlərinin sayı daha da artacaq və bu artım o qədər də vətəndaşa təsir göstərməyəcək:

"Yəni, 2020-ci ildə plan yerinin 50 faizi pulsuz olacaq. Qısası 2020-ci ildə təhsil haqlarında artım olacaq".