Gürcüstanda Məhəmməd Əmin Rəsulzadənin unikal fotosu qorunur

Gürcüstanda Məhəmməd Əmin Rəsulzadənin unikal fotosu qorunur

Gürcüstanın Milli Parlament Kitabxanasında Azərbaycan Xalq Cümhuriyyətinin qurucularından olan Məhəmməd Əmin Rəsulzadənin unikal fotosu qorunur.

Hurriyyet.org xəbər verir ki, M. Ə. Rəsulzadənin gənclik şəklinin əks olunduğu fotoaçıqca barədə məlumatda onun lentə alınma tarixinin məlum olmadığı qeyd olunub. Açıqcanın arxa tərəfində "Tatar "İqbal" qəzetinin redaktoru Məmməd Əmin Rəsulzadə" yazılıb.

Fotoaçıqcanın yer aldığı unikal kolleksiyanı tarix və dokumentalistika ilə maraqlanan Luarsab Toqonidze 2009-cu ildə Gürcüstanın Milli Parlament Kitabxanasına təqdim edib.

M. Ə. Rəsulzadənin fotoaçıqcasının da yer aldığı kolleksiyaya ümumilikdə 2 min fotoşəkil daxildir. Bu sənədlər müxtəlif vaxtlarda müxtəlif insanlardan əldə olunub.

Gürcü yazıçılar, elm və ictimai xadimlər, incəsənət adamlarının fotoşəkillərinin olduğu bu kolleksiya Gürcüstanın XIX-XX əsr ictimai tarixinin qiymətli mənbəyi hesab olunur./apa/

gurcustanin milli parlament kitabxanasinda mehemmed emin resulzadenin unikal fotosu qorunurgurcustanin milli parlament kitabxanasinda mehemmed emin resulzadenin unikal fotosu qorunur

Loading...

QALEREYA