Moskva-Yerevan reysində bomba həyəcanı

Moskva-Yerevan reysində bomba həyəcanı

Sentyabrın 9-da Moskvadan Yerevana uçan təyyarədə insident qeydə alınıb.

Hurriyyet.org “Qafqazinfo”ya istinadən xəbər verir ki, Rusiyanın “Sibir” aviaşirkətinə məxsus təyyarə ilə Yeravana uçan sərnişinlərdən biri əl çantasında bomba olduğunu bəyan edib. Bundan sonra hadisə yerinə Ermənistan Mülki Aviasiya Komitəsinin əməkdaşları və polis cəlb edilib.

Sərnişinlər təxliyə olunub. Axtarışlar nəticəsində bomba aşkarlanmayıb.

Həmin şəxs saxlanılıb.

Faktla bağlı araşdırma aparılır.