Nazirlərdən Tereza Meyə xəbərdarlıq: “QİYAM OLACAQ”

  • 2019-02-21 13:37:55
  • |
  • Dünya /

Nazirlərdən Tereza Meyə xəbərdarlıq: “QİYAM OLACAQ”

Böyük Britaniyanın əmək və pensiyalar naziri Ember Radd, ədliyyə naziri Devid Qok, biznes və energetika naziri Qreq Klark və Şotlandiya məsələləri üzrə nazir Devid Mandell baş nazir Tereza Meyə xəbərdarlıq ediblər ki, martın 29-dək Brüssellə razılıq əldə olunmasa belə, Britaniyanı Avropa İttifaqından sazişsiz çıxarmasın.

Hurriyyet.org azvision.az-a istinadən xəbər verir ki, nazirlər əks halda Meyin gələn həftə parlamentin qiyamı ilə üzləşəcəyini deyiblər. Hətta bildiriblər ki, onlar özləri və hökumətin digər 20 naziri palamentin “Brexit” prosesinə nəzarəti ələ keçirməsi ilə bağlı müxalif Leyboristlər Partiyasının hüquqşünası İvet Kuperin planını dəstəkləyəcəklər.

Bu səbəbdən məsləhət görüblər ki, Mey Lissabon Müqaviləsinin 50-ci maddəsini uzatmaqla “Brexit” prosesini yubatsın və boşanma anlaşması (“Brexit” sazişi) üzrə danışıqları yeniləmək üçün London daha çox vaxt qazansın.

Qeyd edək ki, “Brexit” üzrə referendum 2016-cı ilin iyununda keçirilib və əhalinin 51,9 faizi Böyük Britaniyanın Aİ-dan çıxmasının lehinə səs verib. “Brexit” prosesi rəsmən 2019-cu lin 29 martında başa çatacaq və Britaniya ilə Aİ 2020-ci ilin 31 dekabrınadək keçid dövrünə qədəm qoyacaq.

Loading...
Xəbərlərin arxivinə buradan baxa bilərsiniz

Reklam
51-ci buraxılışı
QALEREYA