Oğul anasını və atasını baltaladı - Daşkəsəndə dəhşətli cinayət

Oğul anasını və atasını baltaladı - Daşkəsəndə dəhşətli cinayət

Anasına və atasına balta ilə ağır xəsarət yetirməkdə təqsirli bilinən Bağırov Firdovsi İlyas oğlunun məhkəmə prosesi davam edir.

Hurriyyet.org "Ölkə.Az"a istinadən xəbər verir ki, təqsirləndirilən Firdovsi Bağırovun növbəti məhkəmə prosesi Gəncə Ağır Cinayətlər Məhkəməsində hakim Faiq Mahmudovun sədrliyi ilə keçirilib.

Qeyd edək ki, hadisə 2018-ci ilin sentyabr ayında Daşkəsən rayonunun Qabaqtəpə kəndində baş verib.

Kəndində yaşayan 1944-cü il təvəllüdlü İlyas Həmzə oğlu Bağırov və həyat yoldaşı, 1954-cü il təvəllüdlü Tamara Mövsüm qızı Bağırova axşam saatlarında onlarla birgə yaşayan oğulları Firdovsi İlyas oğlu Bağırov tərəfindən balta ilə ağır dərəcəli bədən xəsarətləri alıblar. O, anasının başına balta ilə bir neçə zərbə endirib, atasına isə küt alətlə zərbələr endirərək baş və üz nahiyəsinə ciddi xəsarətlər yetirib.

Hadisə zamanı F.Bağırovun sərxoş olduğu bildirilir. Narkotik maddə istifadəçisi olduğu üçün bir neçə il məhkumluq həyatı yaşayan F.Bağırov bir müddət əvvəl həbsdən çıxıb və həyat yoldaşından ayrılaraq, ata-anasının yanında qalıb.

Onun bundan əvvəl də valideynləri ilə ailədaxili münaqişəsinin olduğu bildirilir. Hadisə zamanı ailənin yaxınlıqda olan digər ovladı səs-küyə gəlib və ata-anasını avtomobilə mindirərək Gəncə şəhər Təcili Tibbi Yardım Xəstəxanasına çatdırıb.

Loading...
Xəbərlərin arxivinə buradan baxa bilərsiniz

Reklam
51-ci buraxılışı
QALEREYA