Saxta kərə yağını necə fərqləndirək? - Əritdikdə köpüklənirsə...

Saxta kərə yağını necə fərqləndirək? - Əritdikdə köpüklənirsə...

Kərə yağı Azərbaycan mətbəxində ən çox istifadə edilən ərzaqlardan biridir. Ölkəmizdə hələ lap qədimlərdən kərə yağı hazırlanır və istifadə edilir.

Hurriyyet.org Medicina.az-a istinadən xəbər verir ki, müasir dietoloqlar təbii kərə yağının insan orqanizmi üçün çox faydalı olduğunu bildirirlər. Biz sözlə bu faydalardan yararlanmaq üçün istifadə edilən kərə yağının təbii və keyfiyyətli olması vacibdir.

Bəs təbii kərə yağını saxtadan necə fərqləndirə bilərik?

Bunun üçün bir neçə suala cavab axtararaq fərqləndirmək üsullarını təqdim edirik:

Qatılığı necə olmalıdır?

Kərə yağının təbii olub-olmadığını anlamağın ən yaxşı üsulu onun qatılığını bilməkdir. Otaq temperaturunda əriyən və sürtülə bilən kərə yağının təbii olduğu hesab edilir. Bundan əlavə tavada od üzərində əridilən kərə yağı köpüklənərsə, bu da onun təbii olmasından xəbər verir.

Görünüşü necə olmalıdır?

“Təbii kərə yağı tünd sarı rəngli olmalıdır””fikri yanlışdır. Marketdə satılan və tünd sarı rəngi ilə diqqət çəkən kərə yağının tərkibində qatqı maddələri ola bilər. Buna görə də, marketdən yağ alarkən çalışın ki, rənginə fikir verəsiniz.

Qoxusu necə olmalıdır?

Keyfiyyətli kərə yağının hətta bağlamada olsa belə qoxusu hiss edilməlidir. Əgər paketi iylədikdə heç bir qoxu hiss etmirsinizsə, o zaman bu yağ saxta ola bilər. Təbii kərə yağının qoxusu isə əksinə olaraq paketdən kənara çıxacaqdır. Bundan əlavə bişirilərkən yayılan iştah açıcı qoxu da kərə yağının təbii olmasından xəbər verir.

Loading...
Xəbərlərin arxivinə buradan baxa bilərsiniz

Reklam
51-ci buraxılışı
QALEREYA