UTECA Türkiyənin Boğaziçi Universiteti ilə birgə layihəyə başlayır

UTECA Türkiyənin Boğaziçi Universiteti ilə birgə layihəyə başlayır

Azərbaycan Texnologiya Universiteti (UTECA) tədrisin səviyyəsinin müasir standartlara uyğunlaşdırılması məqsədilə növbəti beynəlxalq əməkdaşlığa başlayır. UTECA bu dəfə Türkiyənin Boğaziçi Universiteti ilə birgə layihə üzərində işləyir. Məsələ ilə bağlı Boğaziçi Universitetinin Ömürböyu yaşam mərkəzinin nümayəndələri UTECA-da olublar. UTECA-nın rektoru, professor Akif Süleymanov qonaqlara universitetlə bağlı məlumat verərək burada qida, yüngül sənaye, logistika, metallurgiya və İKT üzrə müasir standartlara cavab verən kadrlar yetişdirildiyini, mütəxəssis hazırlığı məsələsində ölkənin iqtisadi siyasətinə uyğun addım atıldığını, gələcəkdə hərbi, tibbi, kosmik sahələr üzrə də mühəndis və texnoloqların yetişdirilməsinin planlaşdırıldığını deyib.

Layihənin detallarının müzakirəsi zamanı Boğaziçi Universitetinin nümayəndələri Söner Şahan və İşıl Keskin Şahan bildiriblər ki, bu əməkdaşlıq Azərbaycan universitetləri üçün ilk hesab edilir və reallaşdırılması üçün məhz UTECA-nın seçilməsi heç də təsadüfi deyil. Layihə çərçivəsində tələbə, müəllim və professor heyəti müxtəlif təlimlərə cəlb ediləcək. Bundan başqa UTECA-da beynəlxalq akkreditasiyalı xüsusi mərkəz yaradılacaq. Hazırlıq keçən kadrlara xüsusi sertifikatlar veriləcək. Mühəndislik, turizm və sair ixtisaslar üzrə beynəlxalq sertifikatları tək UTECA-nın tələbələri deyil, istənilən müvafiq ixtisaslı kadr da əldə edə biləcək. Məqsəd kadların təcrübəsini qiymətləndirmək, onların iş tapmaq imkanlarını daha genişləndirməkdir. Müzakirələr nəticəsində layihənin həyata keçirilməsinin sürətləndirmək üçün tezliklə işçi qrupun yaradılması barədə razılığa gəlinib.

Hurriyyet.org

Loading...

QALEREYA