» » “PULLAR ƏLİ ABBASOVUN GÖSTƏRİŞİ İLƏ AYRILIRDI” – Vidadi Zeynalov

“PULLAR ƏLİ ABBASOVUN GÖSTƏRİŞİ İLƏ AYRILIRDI” – Vidadi Zeynalov - YENİLƏNİB

  • Loading...
    “PULLAR ƏLİ ABBASOVUN GÖSTƏRİŞİ İLƏ AYRILIRDI” – Vidadi Zeynalov
    Bu gün Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov və digərlərinin cinayət işi üzrə məhkəmə prosesi fasilədən sonra davam etdirilib.
    Hurriyyet.org
    apa-ya istinadən xəbər verir ki, hakim Əfqan Hacıyevin sədrliyi ilə prosesdə şahid Vüqar Əfəndiyev ifadəsində bildirib ki, “Azərpoçt”un baş müsahibi olub: "Bizim əsas işimiz maliyyə hesabatlarını hazırlayıb müvafiq qurumlara göndərməkdən ibarətdir. Mən baş mühasib kimi avadanlıqlar alan şirkətlərə maliyyənin ayrılmasında iştirak etmişəm, ancaq onlarla heç bir təmasım olmayıb. Bəzi hallarda isə rəhbərlikdən pul alaraq, onu Vidadi Zeynalova çatdırmışam. Pulları şirkətlərdən bağlı şəkildə alırdım".
    "Aztelekom” MMC-də Tikinti şöbəsinin rəisi olmuş Həsənqulu Qurbanov deyib ki, binaların tikintisi ilə bağlı layihələri hazırlayıb: "Biz tikilən binaların eskiz layihələrini hazırlayırdıq. Torpaq sənədlərini və digər zəruri sənədləri tikinti şirkətlərinə təqdim edirdik. Əli Abbasov mənim xalam oğludur".
    Şahidin ifadəsi ibtidai istintaqla ziddiyyət təşkil etdiyindən, elan olunub. İfadədə göstərilib ki, "Aztelekom" MMC-də alınacaq tikinti materiallarının qiyməti yüksək göstərilib və buna görə dövlətə külli miqdarda ziyan dəyib. H. Qurbanov isə bu ifadəsindən xəbərsiz olduğunu deyib.
    Mahir Axundovun Tovuz Telekommunikasiya Qovşağında işlədiyini deyərək, əlavə edib edib ki, “Optik Rabitə, Tikinti və Quraşdırma” MMC-nin direktoru Namazalı Məmmədovun həbs olunmasından sonra işlər yarımçıq qalıb.
    Digər şahid İlqar Hüseynov isə Təmir Təchizat Servis” MMC-də anbardar olub. Onun sözlərinə görə, tikinti materiallarının qiymətləri cəmiyyətin mühasibatlığında bir neçə dəfə artıq göstərilib.
    Proses dekabrın 23-də davam etdiriləcək.

    *** 13:46
    Bu gün Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov və digərlərinin cinayət işi üzrə məhkəmə prosesi davam etdirilib.
    Hurriyyet.org
    apa-ya istinadən xəbər verir ki, hakim Əfqan Hacıyevin sədrliyi ilə keçirilən prosesdə şahidlər ifadə verib. Adil Qasımov bildirib ki, “Yeni Həyat” MMC-nin direktoru olub. Onun sözlərinə görə, tenderdə qalib gəldikdən sonra ayrılan vəsaitin müəyyən qismi “Aztelekom” MMC-yə çatdırılıb: “ATS-lərin tikintisi ilə məşğul olurduq. Tapşırılan işləri həyata keçirirdik. Tenderlərdə iştirak edirdik. Tikinti işlərini aparmaq üçün müxtəlif məbləğlər ayrılırdı. Tenderlərə ayrılan pulun 40 faizini “Aztelekom” MMC-yə geri qaytarırdıq. Mən eşidirdim ki, bu pullar Oqtay Rüstəmova çatdırılır”.
    “Aztelekom” MMC-nin baş mühasibi, təqsirləndirilən şəxs Oqtay Rüstəmov isə şahidlə heç bir münasibətinin olmadığını, bu işlərin Vidadi Zeynalovla həll edildiyini deyib.
    Poçtdaşıma Mərkəzinin rəisi Fikrət Vəliyev deyib ki təqsirləndirilən şəxslərlə yalnız işgüzar münasibətləri olub.
    Bakı Telefon Rabitəsi İstehsalat Birliyinin baş direktorunun müavini vəzifəsində çalışmış Əhməd Mehdiyev deyib ki, kabel çəkilməsi işlərinə nəzarət edib: “Bunun üçün 5 milyon manat vəsait ayrılmışdı”.
    Ə. Mehdiyev ibtidai istintaqa ifadəsində deyib ki, ona hər ay 10 min manat paket verilib. Lakin o, məhkəmədə bu ifadəsini təkzib edib.
    Qorxmaz Həziyev ifadəsində deyib ki, “Qafqaz S” inşaatın rəhbəri olub. Onun sözlərinə görə, yalnız tikinti-təmir işlərini həyata keçirib: “Tenderlər əsasında fəaliyyət göstərirdik. Gördüyümüz işlərin həcmi ümumilikdə 22 milyon manat məbləğində olurdu. Nazir Əli Abbasovun qaynı Elçin İbrahimovla tanış idik. Amma bizim şirkətin tenderdə qalib gəlməsində Elçin İbrahimovun heç bir rolu yox idi”.
    Təqsirləndirilən Vidadi Zeynalovun vəkili Ceyhun Yusifov isə şahidin ifadəsinə etiraz edib və mənimsənildiyi deyilən vəsaitin 50 faizinin “Qafqaz S” MMC-yə ayrıldığını deyib.
    V. Zeynalov deyib ki, həmin şirkətə pul ayrılmasına sabiq nazir Əli Abbasov göstəriş verib: “Mən və idarə rəhbərləri yalnız ayrılan pulların düzgün bölünməsinə nəzarət edirdik. Sonra işin başa çatıb-çatmamasına biz cavabdeh deyildik”.
    Proses günün ikinci yarısında davam etdiriləcək.
    Qeyd edək ki, Bakı Telefon Rabitəsi İstehsalat Birliyinin baş direktoru Beytulla Hüseynovun 2009-2015-ci illərdə arvadının təsisçisi olduğu “Bakı Rabitə Təmir Tikinti” və “Təmir Təchizat Servis” MMC-lərinin direktoru Bayram Vəliyev, yaxın münasibətlərdə olduğu “3 nömrəli Rabitə Təmir Tikinti”, “Rabitə Mülki Tikinti” MMC-lərinin direktoru Emin Məmmədov və birliyin baş mühasibi Anar Mustafayevlə qabaqcadan əlbir olub yeni rabitə xətlərinin çəkilməsi, binaların, qurğuların təmiri-tikintisi və sair işlərin yerinə yetirilməsi üçün onların hesablaşma hesablarına köçürüləcək pul vəsaitlərinin işlərin həcmindən asılı olaraq 35-45% həcmində hissəsinin nağdlaşdırılaraq B. Hüseynovun özünə verilməsi barədə razılığa gəliblər. B. Hüseynov tabeliyində olan qovşaqların formal olaraq keçirdikləri tenderlərdə vəzifə saxtakarlığı ilə həmin məhdud məsuliyyətli cəmiyyətlərin qalib elan olunaraq müqavilələr bağlanmaqla və faktiki işlərin tam icra olunmadığı halda, o cümlədən internet xidmətinin təmin edilməsi üçün fiber-optik kabel xətlərinin çəkilişi zamanı işlərin faktiki olaraq telefon qovşaqları tərəfindən aparıldığı halda guya həmin işlərin faktiki özünə məxsus olan müəssisələr tərəfindən görülməsi və işlərin həcminin artırılması barədə saxta sənədlərin tərtib edilməsi yolu ilə adıçəkilən MMC-lərin hesabına köçürülmüş ümumilikdə 71 milyon 263 min manat məbləğində vəsaitin 21 milyon 379 min manatını mənimsəməklə dövlətin qanunla qorunan mənafelərinə ağır nəticələrə səbəb olan zərər vurmalarında şübhələr üçün əsaslar müəyyən edilib.
    Nazirliyin Aparat rəhbəri Vidadi Zeynalov qulluq mövqeyindən sui-istifadə edərək nazirliyin strukturuna daxil olan ayrı-ayrı qurumların vəzifəli şəxsləri ilə qabaqcadan razılaşmaqla həmin strukturlar tərəfindən işlərin görülmədiyi, tam yerinə yetirilmədiyi, avadanlıqlar alınmadığı, istifadə olunan avadanlıqların, xidmətlərin qiymətlərinin isə 4-5 qat şişirdilməsi və digər üsullarla işlərin və xidmətlərin guya yerinə yetirilməsini özlərinin himayə etdikləri, yaxın münasibətdə olduqları şəxslərin adına olan özəl şirkətlər tərəfindən saxta sənədlər əsasında rəsmiləşdirməsini təmin etməklə müvafiq müəssisələrin ayrı-ayrı banklardakı hesabına köçürülmüş 73 milyon 590 min manat vəsaitin nağdlaşdırılmaqla mənimsənilməsini və israf edilməsini təşkil etməsində şübhələr üçün əsaslar müəyyənləşib.
    Cinayət işi üzrə nazirliyin strukturuna daxil olan “Aztelekom” MMC, “AzİnTelekom” MMC, “Azərpoçt” MMC, Məlumat Hesablama Mərkəzi və özəl şirkət “Optik Rabitə Tikinti və Quraşdırma” MMC-nin fəaliyyətində də mənimsəmə və israf etmə, vəzifə səlahiyyətlərindən sui-istifadə və vəzifə saxtakarlığı faktları müəyyənləşib.
    İş üzrə Beytulla Hüseynov, Anar Mustafayev, Emin Məmmədov, Bayram Vəliyevə və “Aztelekom” MMC-nin baş mühasibi Oktay Rüstəmova Cinayət Məcəlləsinin 179.3.2 (külli miqdarda mənimsəmə), 308.2 (vəzifə səlahiyyətlərindən sui-istifadə) və 313-cü (vəzifə saxtakarlığı), Vidadi Zeynalova, həmçinin “AzİnTelekom” MMC-nin baş direktoru Cəlil Cəfərova, “Azərpoçt” MMC-nin baş direktoru Qəmbər Bəybalayevə və “Optik Rabitə, Tikinti və Quraşdırma” MMC-nin direktoru Namazalı Məmmədova həmin məcəllənin 179.3.2 və 308.2-ci, MMC-nin baş mühasibi Səhrab Hümbətova isə 179.3.2, 308.2 və 313-cü maddələrdə nəzərdə tutulan ittiham elan edilməklə barələrində məhkəmənin müvafiq qərarları ilə həbs qətimkan tədbiri seçilib.скачать dle 11.3
    Loading...

    Qramatik səhv varsa Ctrl+Enter sıxıb redaktora məlumat göndərin
    OXŞAR XƏBƏRLƏR

    Комментарии

    Добавить комментарий
    Ваше Имя:
    Ваш E-Mail:

    Введите два слова, показанных на изображении:
    MƏDƏNİYYƏT
    ŞOU-BİZNES
    MÜSAHİBƏ




    «    Сентябрь 2017    »
    ПнВтСрЧтПтСбВс
     123
    45678910
    11121314151617
    18192021222324
    252627282930 
    QALEREYA