“Ən yoxsul əhali və ən zəngin insanların gəlirləri arasında fərq birin minə nisbətindədir” – RÖVŞƏN AĞAYEV

7 May, 2020, 17:41
1 Ulduz2 Ulduz3 Ulduz4 Ulduz5 Ulduz 1 xal, ortalama: 5,00
Loading...

“İcra başçılarının evindən çıxan hər cinsdən olan paraların millətə göz dağı olan həcmini canlı-canlı seyr etdirməsələr belə, cəmiyyətə aşağı-yuxarı hər şey bəllidir. Nə olsun ki, bizim rəsmi statisitka ən yoxsul 10% əhali və  ən zəngin 10% insanların gəlirləri arasında maksimum fərqin 3 dəfə olduğunu göstərir. Əsas odur ki, real həyatda, sərvətlərin ölçüsü baxımından bu fərq 1-in 1000-ə nisbətindədir”. Hurriyyet.org xəbər verir ki, bunu iqtisadçı Rövşən Ağayev deyib. 

“Bunların təkcə övladlarının mindiyi maşının, taxdığı saatın qiyməti bir neçə yüz min və ya milyon dollarla ölçülür”

Ağayevin sözlərinə görə, aylıq rəsmi maaşı hətta icra başçılarının, nazirlərin rəsmi maaşlarından xeyli yüksək olan peşəkar mütəxəssislər 20-25 il çalışmaqla, bu qədər uzun müddət ərzində ən yaxşı halda özlərinə 50-60 min manatlıq bir mənzil, 15-20 min manatlıq da bir avtomobil ala bilir: “Bir az da o tərəfə getsə, yastığın altında dar gün üçün 5-10 min dollar da ehtiyatı olur. Amma bunların təkcə övladlarının mindiyi maşının, taxdığı saatın qiyməti bir neçə yüz min və ya milyon dollarla ölçülür”.

“Dövlət satınalmalarında minimum şəffaflıq belə, təmin edilmədi”

R. Ağayevin fikrincə, bu yaranmış durumun bir neçə fundamental səbəbi var: “1. Ölkədə alternativ, hökumətə nəzarət edəcək siyasi institutlar sıradan çıxarıldı, cəmiyyətin aktiv həyatından tamamən qovuldular. Xüsusilə də rənagərəng siyasi qüvvələrin parlament təmsilçiliyi olmadı, parlament özü isə icra hakimiyyətini tam kontrolda saxlayan müstəqil hakimiyyət gücünü tamamən itirdi, özü nəzarət olunan hakmiyyət qoluna çevrildi. 2. Hakmiyyət üzərində ictimai nəzarəti təmin etməli olan azad media və vətəndaş cəmiyyəti əzildi. 3.Yerli idarəetmə vətəndaşın səsindən və nəzarətindən asılı olmayan təyinatlı sistemə həvalə edildi, inzibati və maliyyə əksmərkəzləşməsi baş vermədi. 4. Ölkədə özü-öz ayaqları üzərində dayanan, inhisarçı qrupların əzici hökmranlığından azad özəl biznes yaranmadı. 5. Nəticə və proqram əsaslı büdcə islahatları həyata keçirilmədi, dövlət satınalmalarında minimum şəffaflıq belə, təmin edilmədi.

“Ziyanın harasından dönsən, fayda var”

Ağayev vurğulayıb ki, xəstəlik yalnız diaqnostika doğru olduqda müalicə ilə sağalır: “Göstərdiyim səbəblər tam real diaqnostikanın nəticəsidir. Sağalmaq istəyiriksə, bu səbəblərin arxasında dayandığı problemlərin həllindən başlamaq lazımdır. Ziyanın harasından dönsən, fayda var”.

Şamo EMİN, Hurriyyet.org


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93