115 kubalı mütəxəssis Bakıya gəldi – Koronavirusla mübarizə üçün / FOTOLAR

2

İyulun 13-ü Azərbaycanın milli aviadaşıyıcısı (AZAL) Havanadan (Kuba) Bakıya xüsusi reys yerinə yetirib. 

Hurriyyet.org “Azərbaycan Hava Yolları” QSC-yə istinadən xəbər verir ki, Azərbaycan Respublikasının Nazirlər Kabineti yanında Operativ Qərargahın tapşırığı ilə təşkil olunan bu reyslə ölkəmizə koronavirus infeksiyasına qarşı mübarizə aparmaq üçün 115 mütəxəssisdən ibarət həkim qrupu gətirilib.

Kubadan gələn peşəkar həkimlər Azərbaycan həkimlərlə birgə pandemiya qarşı mübarizə tədbirlərində iştirak edəcək.

Qeyd edək ki, bu uçuş “Azərbaycan Hava Yolları” aviaşirkətinin tarixində Bakı-Havana-Bakı marşurtu üzrə başqa məntəqələrdə enmə icra edilmədən həyata keçirilən ilk birbaşa uçuşdur. Uçuş genişfüzelyajlı  “Boeing 787”  tipli təyyarəsi vasitəsilə həyata keçirilmişdir. Uçuşun müddəti 13 saat, Azərbaycan və Kuba paytaxtları arasındakı məsafə 11 880 km təşkil edib.

AZAL Kubalı həkimləri Bakıya çatdırdı (FOTO) - Gallery Image

AZAL Kubalı həkimləri Bakıya çatdırdı (FOTO) - Gallery Image
AZAL Kubalı həkimləri Bakıya çatdırdı (FOTO) - Gallery Image