“2 uşağımı da, özümü də zəhərləyib öldürəcəm” – RƏHİM QAZIYEVİN QIZI

7 Fevral, 2020, 9:45
1 Ulduz2 Ulduz3 Ulduz4 Ulduz5 Ulduz (Ulduz ver)
Loading...

Sabiq müdafiə naziri Rəhim Qazıyevin qızı şiddətə məruz qalıb.

Hurriyyet.org xəbər verir ki, bu barədə tanınmış jurnalist Əvəz Zeynalı məlumat verib.

O, qeyd edib ki, Rəhim Qazıyevin sabiq kürəkəni onların evinə hücum çəkərək baldızının avtomobilinin 4 təkərinin bıçaqla doğrayıb:

“Şəbnəm Rəhim Qazıyevin qızıdır, ailəsində ciddi problemlər yaşayıb. Sonra şiddətli keçimsizlik səbəbindən Ramil Əzizov adlı həyat yoldaşından ayrılıb. İki gül kimi balası var. Aylarla, hətta illərlə davam edən narazılıqlar və ailədaxili şiddətdən sonra da Şəbnəm məsələni ictimailəşdirmək istəməyib. Sonra məsələ böyüyüb, işə Rəhim bəyin özü qarışıb, Ramil şiddəti ailəsinin daxilindən çıxarıb və başlayıb hər yeri, hər kəsi narahat eləməyə. Telefonla zəng etməyə, hədə-qorxu mesajları göndərməyə. Bu da yetməyib, aylarla davam edən bu yorucu, vahiməli və qorxulu olaylardan sonra Ramil Əzizov fiziki təzyiqləri də ailə daxilindən çıxarıb. Gəlib Rəhim Qazıyevin yaşadığı binanın qarşısında Şəbnəmin böyük bacısı Aytənin avtomobilinin 4 təkərinin dördünü də bıçaqla doğrayıb. Cinayət əməli təhlükəsizlik kamerasına düşüb. Dəfələrlə şikayətlər olunsa da, tədbir görməyən polis, bu dəfə Ramilə cinayət işi qaldırıb və onu saxlayıb. Amma bir neçə gündən sonra buraxıb. Əməllərinin cəzasız qaldığını görən Ramil bu dəfə Rəhim Qazıyevin evinə hücum edib, qapını döyüb, açılmadığını görəndən sonra isə “qlazok”u sındırıb. 102-yə zəng ediblər, polislər gəlib, həbs edib, aparıblar və… bir neçə gündən sonra Ramil yenidən zühur edib”.

Əvəz Zeynallı Rəhim Qazıyevin qızı Şəbnəmlə görüşüb:

“O, çox qorxur. Deyir ki, “heç nəyini istəmirəm, bircə məndən əl çəksin, qorxuram, addım ata bilmirəm, az qalıram, 2 uşağımı da, özümü də zəhərləyib öldürəm”.

Daxili İşlər Nazirliyinin mətbuat xidmətinin rəhbəri Ehsan Zahidov “Qafqazinfo”ya açıqlamasında bildirib ki, məsələdən məlumatlıdırlar: “Hazırda araşdırma aparılır, yekunda ictimaiyyətə məlumat veriləcək”.


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93