Salam, xoş gəlmisiniz.

Azərbaycanda yol polisi və sürücü qaydaları belə pozdu - VİDEO

2020-02-13 18:27:00

Azərbaycanda yol polisi və sürücü qaydaları belə pozdu - VİDEO

Azərbaycanda yol-patrul xidmətinin əməkdaşlarının və sürücünün qaydaları kobud şəkildə pozmasının görüntüləri sosial şəbəkədə yayımlanıb. 

Hurriyyet.org oxu.az-a istinadən xəbər verir ki, videoda sutkanın qaranlıq vaxtında yol polisi əməkdaşlarının yük avtomobilini saxlaması əks olunub. 

“Yol-patrul xidməti haqqında Təlimat”ın təsdiq edilməsi barədə qanunda göstərilib ki, yol polisi sutkanın qaranlıq vaxtında nəqliyyat vasitəsinin dayandırılması məqsədilə yolun işıqlı sahəsini seçməli, bu mümkün olmadığı halda patrul nəqliyyatının xarici işıq siqnallarından istifadə etməklə yanaşı, qırmızı və ya göy sayrışan işıq siqnalını işlək vəziyyətdə saxlamalıdır. Yol-patrul xidmətinin əməkdaşları bu qanuna riayət etsələr də, hərəkətin digər iştirakçılarını nəzərə almayıblar. 

Belə ki, yol polisi avtomobili və yük maşını 1.1 üfüqi nişanlama xətti olan yolun hərəkət hissəsində saxlayaraq, digər nəqliyyat iştirakçılarının hərəkətinə birbaşa mane olub. 

Digər tərəfdən, videodan görünür ki, yük avtomobilinin sürücüsü yol polisinin saxlama tələbindən sonra maşını tərk edib və YPX avtomobilində əyləşmiş polis əməkdaşları ilə söhbət edib. Bu da qanun pozuntusudur. 

Sürücü nasazlığı aradan qaldırmaq üçün, içkili olması şübhələri varsa, sürücünün iştirakı ilə qeydiyyat nişanı və məlumatların tutuşdurulması lazım olduqda, şəxsə və ya avtomobilə baxış keçirilən zaman, digər hərəkət iştirakçılarına kömək məqsədi və ya digər prosessual iştirak vacib olarsa və inspektorun həyatına təhlükə yaranarsa, avtomobili tərk etməlidir.

Loading...

Şərhlər


Sağlamlıq


Əlaqə məlumatları

Baş redaktor: Vüqar Məmmədov | 050/070 333 22 85
Ünvan: AZ 1008, Bakı, akademik Ələşrəf Əlizadə küçəsi 13
Telefonlar: (012) 496 10 72, 496 08 35 | (012) 496 98 93