“AZƏRSU”DAN “HÜRRİYYƏT”İN YAZISINA REAKSİYA – Koronavirusa yoluxduğu iddia olunan xəstə işə çıxmır /YENİLƏNİB

1

“Azərsu” ASC-nin mətbuat xidməti Hurriyyet.org-da dərc olunan yazıya reaksiya verib.

Məlumata görə, Yasamal rayon Sukanal İdarəsinin Xıdır adlı əməkdaşı ev şəraitində müalicə alır, onun koronavirusa yoluxduğu haqda iddialar yanlışdır. Bildirilir ki, adıçəkilən əməkdaşı yüksək temperatur səbəbindən bir neçə gündür işə çıxmadığı üçün, onun barəsində belə bir informasiya yayılıb. Əslində isə, “Azərsu” ASC-nin Yasamal rayon Sukanal İdarəsinin əməkdaşları arasında koronavirusa yoluxma halına rast gəlinməyib.

*** 12:45

“Azərsu” ASC-nin Yasamal rayon Sukanal İdarəsinin əməkdaşlarından birində koronavirus aşkarlanıb.

Hurriyyet.org xəbər verir ki, bu haqda etibarlı mənbələrdən informasiya verilib.

Məlumata görə, idarə əməkdaşlarından birində dəhşətli virus aşkarlanmasına rəğmən, onunla təmasda olan digər işçilər nəzarətdən kənarda qalıb. Belə ki, onlar nəinki karatinə götürülüb, hətta virusa yoluxub-yoluxmadıqları belə, yoxlanılmayıb. Bu isə, şübhəsiz, idarənin əməkdaşları arasında ciddi narahatlığa səbəb olub.

Mənbə deyir ki, Yasamal rayon Sukanal İdarəsində işçilərin hərarətini ölçən cihaz belə, yoxdur. Bu səbəbdən, temperaturu və xəstəlik şübhəsi olan işçiləri vaxtında müəyyən etmək mümkün deyil. Ən dəhşətlisi isə odur ki, idarənin əməkdaşları daim vətəndaşlarla təmasda olduğundan, onların koronavirusu yaymaq ehtimalı daha çoxdur.

Bildirilir ki, idarənin rəhbərliyi mövcud vəziyyətdən xəbərdar olsa da, bu sahədə hər hansı tədbir görməkdə maraqlı deyillər. Çünki özləri bütün təmasları dayandırıb, işçilərlə və vətəndaşlarla əlaqədə olmadıqları üçün koronavirusun onlara yoluxmayacağını düşünürlər.

Hurriyyet.org