Salam, xoş gəlmisiniz.

BDU-nun kafedra müdirinə 50 min "atan"la bağlı ŞİKAYƏT

2020-02-13 11:12:00

BDU-nun kafedra müdirinə 50 min

Bakı Dövlət Universitetinin müəlliminə qarşı 50 min manatlıq dələduqluq etməkdə təqsirləndirilən Eldar Yusifov barəsindəki hökmdən porkurorluq protest verib.

Hurriyyet.org BakuPost-a istinadən xəbər verir ki, prokurorluq Eldar Yusifova verilən cəzasının ağırlaşdırılmasını tələb edib.

Protest Bakı Apelyasiya Məhkəməsində hakim İlqar Murquzovun icraatına araşdırılır.

Məhkəmənin ilkin baxış iclası keçirilib. Məhkəmə baxışı fevralın 26-a təyin edilib.

Qeyd edək ki, 1967-ci il təvəllüdlü Eldar Yusifov tanışı Hüseyn Məmmədovdan külli miqdarda - 50 min pul alaraq vəzifəli şəxslərə verəcəyini və onun oğlunu hüquq-mühafizə orqanlarına işə düzəldəcəyi vədini verib. O, məhkəmədə özünü təqsirli bilməyib və bildirib ki, pulu Elbrus Əliyev adlı şəxsə verib. E.Əliyev isə istintaqdan yayındığı üçün axtarışa verilib.

Hüseyn Məmmədov BDU-nun fəlsəfə müəllimdir. İllərdir BDU-da çalışan H.Məmmədov bir müddət kafedra müdiri olub.

E.Yusifova Cinayət Məcəlləsinin 178.3.2 (külli miqdarda dələduzluq) və 34, 312.2-ci (rüşvət verməyə təhrik etmə) maddələri ilə ittiham verilib.

Bakı Ağır Cinayətlər Məhkəməsinin hökmü ilə Eldar Yusifov 11 min manat cərimə olunub və məhkəmə zalından azadlığa buraxılıb.

Loading...

Şərhlər


Sağlamlıq


Əlaqə məlumatları

Baş redaktor: Vüqar Məmmədov | 050/070 333 22 85
Ünvan: AZ 1008, Bakı, akademik Ələşrəf Əlizadə küçəsi 13
Telefonlar: (012) 496 10 72, 496 08 35 | (012) 496 98 93