Salam, xoş gəlmisiniz.

“Dövlət Gömrük Komitəsi qurd ürəyi yeyib” - OSMAN GÜNDÜZ

2019-09-12 17:44:01

“Dövlət Gömrük Komitəsi qurd ürəyi yeyib” - OSMAN GÜNDÜZ

“Huawei” şirkəti ilə ABŞ və bir neçə aparıcı ölkələrin davası bitməmiş bu tip addımlar çox risklidir”

“Ötən gün Dövlət Gömrük Komitəsi və “Huawei Tech. Azerbaijan” MMC arasında əməkdaşlığa dair niyyət protokolu imzalanıb. “Huawei” şirkəti ilə ABŞ və bir neçə aparıcı ölkələrin davası hələ bitməmiş bu tip addımlar çox risklidir”. Hurriyyet.org xəbər verir ki, bu barədə Azərbaycan İnternet Forumunun prezidenti Osman Gündüz deyib.

“5G reallaşanda bu məsələ daha da ciddiləşdi”

O. Gündüz nəzərə çatdırıb ki, ABŞ qlobal “Huawei” şirkətini telefonlardakı proqram təminatlatında yerləşdirdiyi xüsusi kodlar vasitəsilə məlumatları oğurlamaqda və Çin hökumətinə ötürməkdə günahlandırır: “Bu ölkələr “Huawei”-in milyardlarla marketinq siyasəti və ucuz məhsul satmasını da Çin hökumətinin dəstəyilə olduğunu iddia edirlər. 5G reallaşanda bu məsələ daha da ciddiləşdi. Şirkət də bütün bunları təkzib edir”.

“XDMX Azərbaycanın maraqlarını nəzərə almaqla, aydın bir mövqe ortaya qoymalıdır”

“Həm də, gizli deyil ki, ölkəmizdə Gov.az sektorunda təhlükəsizliyə cavabdeh dövlət qurumu olan Xüsusi Dövlət Mühafizə Xidmətinin (XDMX) bu istiqamətdə yazılmayan tövsiyyələri var. Ümumiyyətlə, bizdə dövlət sektorunda “Huawei”-in xüsusi çəkisi yetərincədir. Ucuz, əlçatan və güclü marketinqləri olduğu üçün bəzi dövlət qurumları bu şirkətin sistemlərinə üstünlük verib. Həmçinin bir sıra yeni qlobal və regional layihələrimiz də var ki, orada da “Huawei” iştirak edir. Bu baxımdan, düşünürəm ki, XDMX ABŞ sanksiyaları və ondan doğan nəticələri və Azərbaycanın maraqlarını nəzərə almaqla, aydın bir mövqe ortaya qoymalıdır”,-deyə O. Gündüz vurğulayıb.

Şamo EMİN, Hurriyyet.org


Şərhlər


Sağlamlıq


Əlaqə məlumatları

Baş redaktor: Vüqar Məmmədov | 050/070 333 22 85
Ünvan: AZ 1008, Bakı, akademik Ələşrəf Əlizadə küçəsi 13
Telefonlar: (012) 496 10 72, 496 08 35 | (012) 496 98 93
Email: vuqar-mt@mail.ru, hurriyyet@mail.ru