Dövlət Komitəsində Cümhuriyyət varislərinə medallar təqdim olundu

13 İyul, 2019, 11:25
1 Ulduz2 Ulduz3 Ulduz4 Ulduz5 Ulduz (Ulduz ver)
Loading...

Diasporla İş üzrə Dövlət Komitəsində Prezident İlham Əliyev tərəfindən Azərbaycan Xalq Cümhuriyyətinin 100 illiyi münasibətilə “Yubiley medalı” ilə təltif edilmiş Cümhuriyyət varislərinə medallar təqdim edilib.

Dövlət Komitəsindən Hurriyyet.org-a verilən məlumata görə, təqdimatda Milli Məclisinin Mədəniyyət Komitəsinin sədri, AMEA Nizami Gəncəvi adına Milli Azərbaycan Ədəbiyyatı Muzeyinin direktoru, Azərbaycan Yazıçılar Birliyinin üzvü Rəfael Hüseynov və Milli Məclisin Hüquq Siyasəti və Dövlət Quruculuğu Komitəsinin sədri Əli Hüseynli də iştirak edib.

Tədbirdə çıxış edən Dövlət Komitəsinin sədri Fuad Muradov Azərbaycan Xalq Cümhuriyyət qurucularının xidmətlərindən danışıb, onların varislərinin “Yubiley medalı” ilə təltif edilməsinə görə ölkə başçısına kollektiv adından dərin minnətdarlığını bildirib.

“Yubiley medalı”na layiq görülmüş AXC-nin ilk yollar, poçt və teleqraf naziri Xudadat bəy Məlikaslanovun nəvəsi, dirijor, Azərbaycanın xalq artisti Ramiz Məlikaslanov və Azərbaycanın Dövlət Himninin sözlərinin müəllifi, şair Əhməd Cavadın nəvəsi Anar Axundzadə öz növbəsində babalarının xidmətlərinə verilən qiymətə və onlara göstərilən diqqətə görə ölkə Prezidentinə təşəkkür ediblər.

Qeyd edək ki, Diasporla İş üzrə Dövlət Komitəsinin təqdimatı ilə “Yubiley medalı” ilə təltif olunmuş şəxslər arasında Azərbaycan diasporunun Amerika Birləşmiş Ştratlarındakı fəal nümayəndələrindən biri Əbülfəz Bahaduri də var.


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93