Salam, xoş gəlmisiniz.

Fazil Məmmədovun “GİZLİ ADAMI” haqda ilginc faktlar

2017-12-29 11:03:56

Fazil Məmmədovun “GİZLİ ADAMI” haqda ilginc faktlar

Nazirliyin əməkdaşı: “Hamlet Hüseynov 200 min dollar verib...”

Vergilər Nazirliyində işləyən və adının açıqlanmasını istəməyən şəxs tərəfindən “Hürriyyət”in elektron poçtuna sensasion məktub daxil olub. Müəllif yazır:

“Fazil Məmmədov vəzifəsindən uzaqlaşdırıldığı və artıq bəzi təhlükələr sovuşduğu üçün onun qaniçən kadrlarından biri barədə sizə məlumat verməyi özümə borc bilirəm. Mən də hal-hazırda Vergilər Nazirliyində işləyirəm. Amma adımı gizli saxlmağa məcburam.

Vergilər Nazirliyinin müstəntiqi Hamlet Hüseynov Fazil Məmmədovun yaxın adamı və xüsusi tapşırıqlarını həyata keçirən adam idi. Demək olar ki, Hamlet Hüseynov nazirlikdə çox az olurdu. Ən çox obyektlərdə olur və iş adamları ilə xüsusi yerlərdə, xüsusi görüşlər təşkil edir və onlardan hədə-qorxu yolu ilə “vergi” adı altında külli miqdarda maliyyə əldə edirdi.

Hamlet Hüseynov 120 min manatlıq “Reng Rover” markalı aftomobli idarə edir və yaşadığı villa isə 500 min dollardır. Sizcə, bir müstəntiq maaşı ilə və ya qanuni yolla belə aftomobil və mülkə sahib ola bilərmi?

Onu da qeyd edim ki, Hamlet Hüseynov sabiq nəqliyyat naziri Ziya Məmmədov və Hərbi Səfərbərlik Xidmətinin sabiq rəhbəri Əliağanın (Əliağa Hüseynov nəzərdə tutulur – red.) qohumudur. Bütün bunlar bir kənara qalsın, Fazil Məmmədov vəzifəsindən uzaqlaşdırıldıqdan sonra Hamlet Hüseynov nazirlikdə yaxın adamlarına deyir ki, artıq danışmışam, Baş Prokrorluğa işə düzəlirəm.

Dediyinə görə, Hamlet Hüseynova Bakı Şəhər Prokrorluğunda işə düzəlməsinə yüksək vəzifəli məmurlardan biri yardım etməyə söz vermişdir. Hal-hazırda Hamlet Hüseynov Vergilər Nazirliyində yaxın adamlarına bu məlumatları deyir...”.

Müəllif bununla çatdırmaq istəyir ki, Fazil Məmmədovun işdən uzaqlaşdırılması onun yaxın adamlarını təşvişə salmışdır və başqa dövlət qurumlarına yol axtarırlar.

KƏNAN

Redaksiyadan: Müəllif adını gizli saxladığından, deyilən faktların nə dərəcədə həqiqətə yaxın olduğunu deyə bilmərik. Bununla belə, Vergilər Nazirliyinin müstəntiqi Hamlet Hüseynovun mövqeyini də dərc etməyə hazırıq.

Loading...

Şərhlər


Sağlamlıq


Əlaqə məlumatları

Baş redaktor: Vüqar Məmmədov | 050/070 333 22 85
Ünvan: AZ 1008, Bakı, akademik Ələşrəf Əlizadə küçəsi 13
Telefonlar: (012) 496 10 72, 496 08 35 | (012) 496 98 93