Salam, xoş gəlmisiniz.

FHN: Xətai rayonunda binanın həyətində elektrik yarımstansiyasının tikintisi üçün heç bir razılaşdırma sənədi təqdim olunmayıb

2020-02-08 23:20:00

FHN: Xətai rayonunda binanın həyətində elektrik yarımstansiyasının tikintisi üçün heç bir razılaşdırma sənədi təqdim olunmayıb

Fövqəladə Hallar Nazirliyi (FHN) Bakının Xətai rayonu, N.Əliyev küçəsi 10 ünvanında elektrik yarımstansiyasının tikintisi ilə bağlı məsələyə aydınlıq gətirib.

Nazirlikdən verilən məlumata görə, Xətai rayonu N.Əliyev küçəsi 10 ünvanında yerləşən “Baku Lux” MMC-yə məxsus yaşayış binasının ərazisində inşa olunan, sahəsi 64 kv/m elektrik yarımstansiyasının tikintisi üçün heç bir icra hakimiyyəti orqanı ilə razılaşdırma sənədləri təqdim olunmayıb: “Məsələ ilə bağlı 05 fevral 2020-ci il tarixində Xətai Rayon İcra Hakimiyyətinin rəhbərliyinə və “Baku Lux” MMC-nin rəhbərliyinə müvafiq məktublar göndərilib”.

Qeyd edək ki, mediada adıçəkilən ünvanda yaşayan sakinlərin elektrik yarımstansiyasının tikintisinə etiraz etməsinə dair məlumat yayılıb. Sakinlər yarımstansiyanın tikintisinin qanuni əsaslarla aparılmadığını iddia ediblər və bununla bağlı rəsmi orqanlara müraciət etdiklərini bildiriblər.

 

FHN-dən isə bildirilib ki, nazirlik bu məsələ ilə bağlı həm şirkətə, həm də rayon icra hakimiyyətinə xəbərdarlıq məktubu göndərib. \\APA

Loading...

Şərhlər


Sağlamlıq


Əlaqə məlumatları

Baş redaktor: Vüqar Məmmədov | 050/070 333 22 85
Ünvan: AZ 1008, Bakı, akademik Ələşrəf Əlizadə küçəsi 13
Telefonlar: (012) 496 10 72, 496 08 35 | (012) 496 98 93