“Hakimiyyət uğrunda mübarizəyə bu beyinlə qoşulmaq gülməlidir” – Fazil Mustafa

15 May, 2020, 19:14
1 Ulduz2 Ulduz3 Ulduz4 Ulduz5 Ulduz 1 xal, ortalama: 5,00
Loading...

“Hazırlıq səviyyəsi aşağı, tolerantlıqdan uzaq, ancaq özlərindən razı bu şəxslərin üzərində sanki Azərbaycanın problemləri və ya məsuliyyəti var. Onlar dünyagörüşü və səviyyədən kənardırlar”.

Hurriyyet.org xəbər verir ki, bunu Publika.az-a açıqlamasında Milli Şuranın onlayn konfransını təhlil edən Böyük Quruluş Partiyasının sədri, deputat Fazil Mustafa deyib.

Partiya sədri bildirib ki, onlayn konfransda səslənən fikirlər onların düşüncəsini və məsələlərə yanaşma tərzini göstərir:

“Müasir standartlarda hakimiyyət uğrunda mübarizəni bu cür səviyyəsiz formada aparmazlar. Ancaq kimisə düşmən çıxarmaq və ifşa etməkdən başqa bir dərdləri yoxdur. Bu da böyük bir acınacaqlı durumdur. Azərbaycan müxalifətinin bir qisminin bu cür acınacaqlı durumda olması elə müxalifətin özünü nüfuzdan salır.

Bu cür xəstə təfəkkürlü şəxslərin müxalifət anlayışı ilə ancaq eyni kateqoriyadan olan şəxsləri qane etmək olar. Bunlara lazımdır ki, kimisə söyəsən, təhqir edəsən, həzz alsınlar. Hakimiyyət uğrunda mübarizəyə bu beyinlə qoşulmaq gülməlidir. Xuliqan, söyüşkən, tərbiyəsiz bir qrup kimi fəaliyyət göstərə bilərlər. Hər cəmiyyətdə belələri var. Amma bu cür adamların müxalifət adı ilə fəaliyyət göstərməsi biabırçılıqdır. İzlədiyim zaman heyrətləndim. Çünki adlarının qarşısında ziyalı kəlməsini özləri üçün işlədirlər. Ancaq ziyalılığa yaraşmayan bir formada müzakirə aparırlar. Bu müzakirələrin də Azərbaycan cəmiyyətinə faydasının olacağını düşünmürəm”.


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93