“Hanı mənim sevimli diktatorum?” – TRAMP

14 Sentyabr, 2019, 8:01
1 Ulduz2 Ulduz3 Ulduz4 Ulduz5 Ulduz (Ulduz ver)
Loading...

ABŞ prezidenti Donald Tramp avqustda “Böyük yeddilər”in (G7) Fransanın Biarrits şəhərində keçirilən sammitində misirli həmkarı Əbdül Fəttah əs-Sisini “sevimli diktator” adlandırıb.

Hurriyyet.org report-a istinadən xəbər verir ki, bu barədə cümə günü “The Wall Street Journal” qəzeti bildirib.

Qəzetin məlumatına görə, Tramp Amerika və Misir məmurlarının iştirak etdiyi görüşdən əvvəl ucadan “Hanı mənim sevimli diktatorum?”, – deyə soruşub.

Həmin vaxt zalda olmuş bir neçə nəfər nəşrə Trampın bu sözlərini eşitdiklərini təsdiq ediblər. Onlar həmçinin bildiriblər ki, ABŞ prezidenti bunları zarafatcıl tərzdə deyib.

Misir prezidentinin özünün Trampın replikasını eşidib-eşitmədiyi məlum deyil.

Ağ Ev bu mövzu ilə bağlı qəzetə şərh verməkdən imtina edib. “The Wall Street Journal” həmçinin Misir məmurlarından da şərh ala bilməyib.

G7 sammiti Biarritsdə avqustun 24-dən 26-dək keçirilib. Sammitdə Tramp və əs-Sisi Liviyadakı vəziyyəti müzakirə edib.


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93