“İcazə alaraq evdən çıxıb, Prezidentə təşəkkür teleqramı göndərəcəyəm” – Niyaməddin Musayev

8

“Təltif olunmağımla bağlı xəbəri oğlumdan eşitdim. Mənim üçün çox sevindirici haldır”.

Hurriyyet.org xəbər verir ki, bunu azvision.az -a Xalq artisti Niyaməddin Musayev Prezident İlham Əliyev tərəfindən 2-ci dərəcəli “Əmək” ordeni ilə təltif edilməsinə münasibət bildirərkən deyib.

“Günlərdir ki, evdən çölə çıxmıram. Karantinin belə darıxdırıcı günlərində sevindirici xəbər almaq əhvalıma xoş təsir bağışladı. Mən Prezident İlham Əliyevə təşəkkür edirəm. Cənab Prezidentimiz Ulu Öndərin yolu ilə gedərək biz sənət adamlarını qiymətləndirir, hər zaman qayğı göstərir. İcazə alaraq evdən çıxıb, Prezidentə təşəkkür teleqramı göndərəcəyəm”, – deyə tanınmış müğənni vurğulayıb.

Qeyd edək ki, sabah 80 yaşı tamam olacaq Xalq artisti Niyaməddin Cabbar oğlu Musayev Azərbaycanda estrada sənətinin inkişafında xidmətlərinə görə 2-ci dərəcəli “Əmək” ordeni ilə təltif olunub.