Məktəb direktoru əlavə korpus tikmək üçün valideynlərdən pul yığır – ŞOK İDDİA

19 Fevral, 2019, 11:39
1 Ulduz2 Ulduz3 Ulduz4 Ulduz5 Ulduz (Ulduz ver)
Loading...

Bakı şəhəri, Sabunçu rayonu, Ramana 450 ünvanında (Şuşa şəhərciyi adlanan ərazidə) yerləşən Xankəndi orta məktəbində baş verən qanunsuzluqlarla bağlı redaksiyamıza şikayət daxil olub.

Adının çəkilməsini istəməyən valideynlərdən biri Hurriyyet.org-a bildirib ki, hazırda sözügedən məktəbdə direktor əvəzi çalışan Cəmilə xanım (soyadını dəqiqləşdirə bilmədik – red.) sinif otaqlarında şagirdlərini sıxlığını əsas gətirərək, məktəbin yanındakı boş ərazidə yeni korpus tikdirmək istəyir. Maraqlıdır ki, Cəmilə xanım bu korpusu dövlət hesabına deyil, böyük əksəriyyəti maddi cəhətdən imkansız olan valideynlərin pulu ilə tikdirmək niyyətindədir.

Məlumata görə, direktor xanım dünən bu məqsədlə valideynəri məktəbə toplayaraq, onlardan yeni korpusun tikintisi üçün maliyyə dəstəyi istəyib. O deyib ki, kimin imkanı nəyə çatır, ona uyğun məktəbin əlavə korpusunun tikintisinə dəstək olsun.

Valideynlər deyir ki, hazırda məktəbdə 800 nəfərə yaxın şagird təhsil alır. Direktor fevral ayından etibarən pul yığımına başlayıb. O, bəyan edib ki, hər şagirdin valideyni müəyyən qədər dəstək olarsa, əlavə korpusun tikintisi qısa müddətdə başa çatdırmaq olar.

Qeyd edək ki, məsələ ilə bağlı sözügedən məktəbini direktor əvəzi Cəmilə xanımla və Təhsil Nazirliyi ilə əlaqə yaratmaq cəhdlərimizi alınmadı. Gün ərzində məsələyə aydınlıq gətiməyə çalışacağıq.

Hurriyyet.org


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93