Misir COVID-19-a qarşı dərmanların İSTEHSALINA BAŞLADI

26 İyun, 2020, 21:07
1 Ulduz2 Ulduz3 Ulduz4 Ulduz5 Ulduz 1 xal, ortalama: 5,00
Loading...

Misirin “Eva Pharma” əczaçılıq şirkəti COVID-19-a yoluxan xəstələrin müalicəsində istifadə ediləcək “Remdesivir” və “Favipiravir” dərman preparatlarının istehsalına başlayıb. Bu dərmanlardan birincisi intensiv müalicə olunan pasiyentlərin orqanizminin oksigenlə təmin edilməsini asanlaşdırır. Bundan əvvəllər Ebola virusuna yoluxanların müalicəsində də istifadə edilib.

ABŞ-ın “Gilead Sciences” biofarmasevtika şirkətindən lisenziya alan Misir firması “Remdesivir”i 127 ölkəyə ixrac edəcək. “Eva Pharma”nın mətbuat açıqlamasında qeyd olunub ki, bir qutusu 125 dollara satılacaq bu dərmanın ilkin mərhələdə ayda 50 min dozası istehsal ediləcək. Firma artıq Misirin karantin xəstəxanalarını preparatla təchiz etməyə başlayıb. Digər preparat – “Favipiravir”in isə ilk partiyası üç həftədən sonra xəstəxanalara çatdrılacaq. Onun yekun qiyməti hələ müəyyən edilməyib. Bu dərman Yaponiyanın “Avigan” preparatının əvəzedicisidir.

Misir şirkəti dərman preparatlarını Yaxın Şərq və Afrika ölkələrinə göndərəcək, sonra isə başqa dövlətlərdən də sifarişlər qəbul ediləcək. \\Teleqraf


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93