OMBUDSMAN DƏYİŞDİ, APARATI ƏVVƏLKİ AMPLUASINDADIR – İnsan hüquqları deyil, “rüşvət hüquqları” qorunur…

30 Mart, 2020, 15:02
1 Ulduz2 Ulduz3 Ulduz4 Ulduz5 Ulduz (Ulduz ver)
Loading...

İnsan hüquqları üzrə müvəkkilin – Ombudsmanın adından göründüyü kimi, bircə  görəvi  insanların hüquqlarını qorumaqdır. Nə yazıq,  insanlar gerçəkdə hüquqlarının qorunmasının imitasiyasından özgə bir qorunma görmürlər.  
İnsan hüquqlarının pozulması ilə bağlı müvəkkillərinə müraciət edən şəxslərə hüquq pozucularının qanunsuz cavablarını təkrarlamaqla hansı hüquq qorunması müvəkkilliyindən danışmaq olar? Belə müvəkkilliklə yalnız və yalnız məmurların rüşvət hüquqlarını qorumaq olar.  Ombudsmanın dəyişməsi də, hələ ki,  müsbətə doğru dəyişikliyə gətirməyib. Ombudsman Aparatının rəhbəri Aydın Səfixanlı əvvəlki ampluasındadır. İş o yerə çatıb ki,  aparat rəhbəri dələduzluqla üzləşən bir qrup ticarət  köşkü  sahiblərinin   müraciətinə dələduzları müdafiə edən sahə müvəkkilinin  kommersiya sirri sayılan bilgiləri açıqlayan cavabı ilə “müvəkkillik edir “! (?)  Sual doğur,  sahə müvəkkili və “hüquq müvəkkili” sahibkarların pay bölgüsünü, aylıq gəlirlərini hardan əldə ediblər,  necə hesablayırlar  və  onların buna hüquqları varmı  ? Artıq sahə müvəkkili kommersiya fəaliyyətinə mane olmağa,  kommersiya sirrini yaymağa görə məhkəməyə verilib,  növbədə  Ombudsman Aparatının rəhbəridir.  Di gəl,  məhkəmələr sözügedən qurumun “məhkəmə toxunulmazlığı hüququ”nu pozmağa cürət etmirlər. Axı,  özlərinin də Ombudsmana “işləri düşür”!
…Suraxanı məhkəməsinin artıq görəvinə vaxtından əvvəl xitam verilən hakimi Ramil Həsənovun dələduz “Rəvan” sığorta şirkətinin rüşvətilə əlilə aid olmayan “əlil avtomobili”nin məhv edilməsi  və üstəlik Qarabağ əlilinin saxta defekt aktı tərtib edilməklə 10 min manata yaxın  ziyanı ödəməsi haqqında qanuni qüvvəyə minməyən 28.11.2016 tarixli qətnaməsini məhkəmənin icra sənədi olmadan  Qarabağ əlilinin pensiyasına,  reabilitasiya vasitəsinə,  daşınar-daşınmaz əmlakına   eyni vaxtda  yönəldən icra məmuru Vüsal Əliyevin görəvinə hələ də xitam verilmir  . Görünür  ,  “dayısı” lap “yuxarıdadır” . Əksinə,   Konstitusiyanın  6-cı maddəsi ilə təsbit olunan məhkəmə hakimiyyətini mənimsəməklə dövlətə qarşı ən ağır cinayət törədən şəxs ədliyyə , məhkəmə -hüquq sistemi  və Ombudsman səviyyəsində qorunur ! (?) Məhkəmənin icra sənədi olmadan “borclu” edilməsinə,  pensiyasından,  əmlakından məhrum edilməsinə son qoyulması üçün son ümid yeri Ombudsmana üz tutan düşmən gülləsinin ağ ciyərinin üçdən ikisini, yerli məmurların pensiyasının yarısını, əmlakının hamısını apardığı, xaricdə müalicəyə ehtiyacı olan Qarabağ əlili Xaliq Abbaszadəyə,  görün,  Ombudsman Aparatının rəhbəri Aydın Səfixanlı 19.03.2020 tarixli  2/6045-20 saylı məktubla necə “müvəkkillik edib” ?! Sitat :” Sizdən 8223 manat tutularaq “Rəvan Sığorta” ASC-yə ödənilməsinə dair Suraxanı Rayon Məhkəməsinin 09.01.2017 tarixli icra sənədinin icra edilməsindən narazı qalmağınız haqqında. … halların yoxlanılması Azərbaycan Respublikasının Ədliyyə Nazirliyinə tapşırılmışdır. “  Ombudsman Aparatının əlilin şikayətini saxtalaşdırmasına fikir verin, şikayətçi icra sənədi olmadan pensiyasından, əmlakından məhrum edilməsindən şikayət edir  ,  aparat rəhbəri isə nömrəsi olmayan 09.01.2017 tarixli icra sənədinin icra edilməsindən narazılıq kimi saxtalaşdırır. Məktubu oxumaqda davam edək : “Ədliyyə Nazirliyindən verilmiş cavabda bildirilmişdir ki,  həmin icra sənədinə əsasən Suraxanı icra və probasiya şöbəsində başlanmış icraat zamanı qeyd olunan vəsait tərəfinizdən ödənilməmiş,  bununla əlaqədar məcburi icra tədbirləri həyata keçirilməklə tələbin əmlakınız hesabına icra edilməsi haqqında tədbirlər görülür “  BELƏ İNSAN HÜQUQLARI QORUMAQLA ƏLİLİN POZULMUŞ REABİLİTASİYA ,  PENSİYA , MÜLKİYYƏT HÜQUQU BƏRPA OLUNA BİLƏRMİ?  Ombudsman Aparatının rəhbəri bilmir ki,  məhkəmə qərarı qanuni qüvvəyə mindikdən sonra icra olunur  ? Tutaq ki,  Ədliyyə Nazirliyinin icra baş idarəsinin və  icra şöbələrinin qanundan,  Konstitusiyadan xəbərsizliyinə dələduz qurumlarla qeyri-prosessual ilişgilər nədən olur  ,  bəs bu yekəlikdə İNSAN HÜQUQLARI ÜZRƏ MÜVƏKKİLLİYƏ nə gəlib  ?  Yoxsa  ,  Ombudsman institutu da şikayət obyektləri ilə qeyri-prosessual ilişgidədir?  Hər halda,  insan hüquqları üzrə müvəkkilin aparatının məmurların özbaşınalığını müdafiə etməsi göz önündədir  . Hətta əlilin məhkəmə yolu ilə pozulmuş hüquqlarının bərpasına “iddianın mümkün sayılmaması haqqında”  qərardadlarla qadağa qoyulması da diqqətə çatdırılıb . Dəhşətə baxın,  insan hüquqları üzrə müvəkkil vətəndaşın məhkəmə qərarı olmadan pensiyasından,  əmlakından, reabilitasiya vasitəsindən məhrum edilməsinə görə məhkəməyə müraciət etmək hüququndan məhrum edilməsini hüquq müvəkkilliyi sayır ! (?)
Qarabağ əlilinin olmayan  əmlakı  hesabına olmayan icra sənədi üzrə məcburi  “ icra tədbirlərinin “ davam etdirilməsinə Ombudsman Aparatı da bu məktubla “xeyir-duası”nı verib.  Allah xeyir verməsin! 

Məğrur BƏDƏLSOY


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93