Salam, xoş gəlmisiniz.

Çavuşoğlu: Soyqırımı Xocalıdakıdır, niyə bunu görməzdən gəlirsiniz?

2019-11-09 23:58:33

Çavuşoğlu: Soyqırımı Xocalıdakıdır, niyə bunu görməzdən gəlirsiniz?

Türkiyənin Xarici İşlər naziri Mövlud Çavuşoğlu İqtisadi Əməkdaşlıq Təşkilatının 24-cü nazirlər toplantısında Azərbaycana qarşı ikili standartlardan, Xocalı soyqırımından danışıb.

Nazir bir jurnalistin ABŞ Senatında Nümayəndələr Palatasının qondarma “soyqırımı” ilə qəbul etdiyi qərarla bağlı sualını cavablandırarkən deyib ki, hər mövzuda olduğu kimi, bu məsələdə də ikili standartlar hökm sürür:

“Azərbaycan torpaqlarında yaşanan soyqırımı aktını Türkiyədən başqa heç kim gündəmə gətirmir. Əgər bu gün soyqırımından danışırıqsa, yaxın tarixdə Xocalıda yaşanan soyqırımıdır. Çünki orada ermənilər Xocalıdakı bütün azərbaycanlı qardaşlarımızı “təmizləmək” istədilər. Hələ də itkin insanlar var.

Qaçanlar canlarını qurtara bildi, amma qalan hər kəsi vəhşicəsinə qətlə yetirdilər. 613 azərbaycanlı qardaşımızdan söhbət gedir. 106 qadın və 183 uşağın qafatasını, yəni dərilərini üzəcək qədər vəhşicəsinə öldürdülər.

Etnik təmizləmə, soyqırımı buna deyilir. Niyə bunları görməzdən gəlirsiniz?” \\İnterpress.az


Şərhlər


Sağlamlıq


Əlaqə məlumatları

Baş redaktor: Vüqar Məmmədov | 050/070 333 22 85
Ünvan: AZ 1008, Bakı, akademik Ələşrəf Əlizadə küçəsi 13
Telefonlar: (012) 496 10 72, 496 08 35 | (012) 496 98 93
Email: vuqar-mt@mail.ru, hurriyyet@mail.ru