“Prezidentin sözləri kəlbəcərlilərə həm təsəlli, həm də ümid oldu” – Deputat Aqil Məmmədov

15 May, 2020, 22:36
1 Ulduz2 Ulduz3 Ulduz4 Ulduz5 Ulduz 1 xal, ortalama: 5,00
Loading...

Azərbaycan Respublikasının Prezidenti İlham Əliyev Kəlbəcər rayonu icra hakimiyyətinin yeni başçısını video formatda qəbul edərkən Kəlbəcər haqqında fikirlərini bölüşüb. Kəlbəcəri Azərbaycanın ən gözəl diyarlarından biri kimi qiymətləndirən Prezident, işğal altında olan rayonumuzu Azərbaycan xalqının milli sərvəti adlandırıb.

Kəlbəcər rayonunu Milli Məclisdə təmsil edən deputat Aqil Məmmədov Turkustan.info-ya açıqlamasında Prezidentin Kəlbəcər haqqında fikirlərinin çox təsirli olduğunu bildirib.

Millət vəkili deyib ki, Prezident İlham Əliyevin Kəlbəcərdə heç zaman olmadığı halda onun təbiətini, insanlarını dəqiqliklə və ürək yanğısı ilə təsvir etməsi kəlbəcərlilər tərəfindən böyük rəğbət və ümud hissi ilə qarşılanıb:  “Cənab Prezident çıxışında Kəlbəcərin füsunkar təbiəti, gözəl meşələrini, dağlarını, çaylarını, tarixi abidələrini bu səviyyədə təsvir etməsi mənə ümummilli lider Heydər Əliyevin Kəlbəcər və kəlbəcərlilər haqqında 1995-ci ildə söylədiyi fikirləri xatırlatdı. Ulu öndər deyirdi ki, “Kəlbəcər rayonu Azərbaycanın gözəl guşələrindən biridir. Onun çox zəngin təbiəti, tarixi abidələri vardır. Kəlbəcər Azərbaycanın qədim dövrlərdən ibarət öz tarixini qəlbində, sinəsində, qoynunda saxlayan ərazilərindən biridir. Kəlbəcər həm təbii sərvətlərlə zənginliyinə görə, həm iqliminin gözəlliyinə görə, həm də orada yaşayan insanların fədakarlığına görə respublikamızda həmişə çox hörmətə, ehtirama layiq olubdur”. Bu gün eyni fikirləri Prezident İlham Əliyevdən eşitmək kəlbəcərlilər üçün həm təsəllidir, həm də gələcəyə – Kəlbəcərə yenidən dönməyə ümid yaradır”.

A.Məmmədovun sözlərinə görə  Prezident son çıxışında işğal olunmuş torpaqlarımıza, o cümlədən, Kəlbəcərə qayıdışla bağlı açıq mesajlar verib: “Cənab Prezident bilirdi ki, ölkəmizin artan iqtisadi potensialı, hərbi gücü, dünyadakı nüfuzu ərazi bütövlüyümüzün təmin edilməsinə xidmət edən amillərdir. Eyni zamanda, hər bir Azərbaycan vətəndaşı öz işi ilə bu günü yaxınlaşdırmalıdır. Deyə bilərəm ki, kəlbəcərlilər hər zaman bu siyasətin yanındadır və torpaqlarımızın işğaldan azad olunması üçün dövlətin, Ali Baş Komandanın qərarlarını gözləyirlər”.


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93