“Prezidentin sərgilədiyi mövqe prinsiplərimizə uyğundur” – FƏRƏC QULİYEV

14

“Biz partiya olaraq islahatlar kursunun milli strateji hədəflərə xidmət etdiyini qəbul edir və dəstəkləyirik”

Milli Dirçəliş Hərəkatı Partiyasının (MDHP) mətbuat xidməti prezident İlham Əliyevin Sumqayıtda yeni tibbi ləvazimat müəssisəsindəki çıxışı ilə bağlı partiya sədri Fərəc Quliyevin fikirlərini öyrənib. Hurriyyet.org həmin açıqlamanı olduğu kimi təqdim edir:
– Fərəc bəy, sizcə, Prezidentin Sumqayıtda yeni tibbi ləvazimat müəssisəsindəki çıxışında daha çox nələr önə çəkildi?
– Prezidentin ümumiyyətlə son dövrdəki çıxışları əsasən ölkənin gələcək siyasi taleyine munasibəti özündə ehtiva edir. İnkişaf və təhlükəsizlik doktrinasının müddəaları yanaşmalarda baza prinsipi kimi götürülür. Məlum səbəblərdən indi strateji planda rasional qərarlar qəbul edə bilmək daha çətindir. Çünki bizi əhatə edən problemlər olduğu kimi qalmaqdadair. Üstəlik, proqnozlaşdırılmamış hadisələr baş verir. Pandemiya bütün bəşəriyyəti sarsıdıb. Hadisələr məzmunca oxşar olsa da, hər region və hər dövlətin və millətin özünəməxsusluqları gerçəkdir. Ona görə də obyektiv prinsiplərin maksimum ondə tutulması şərt olsa da, bir çox hallarda sübyektiv yanaşmalar qaçılmaz olur. Məncə, Prezident bu çərçivələri nəzərə alaraq əsasən 3 istiqaməti bəyan etdi:
1. Qarşılaşdığmız gözlənilməzlik ağır olsa da, dəf olunandır. Bu istiqamətdə genişmiqyaslı tədbirlər görülür. Sumqayıtda açılan zavod bu tədbirlərdən biridir. Açığı, bu, həm də istehsal sahəsi olaraq məşğulluğa da töhvədir. Gələcəkdə bu müəssisə profilini dəyişərək başqa mallar da istehsal edə bilər.
Elə buradan 2-ci məzmun ortaya çıxır. Qeyri-neft sektorunun inkişafında maraqlıyıq. Bu vacib xətdir. Mən parlamentdə sürəkli olaraq neftdən asılı olmayan büdcənin formalaşması tədbirlərinin görülməsinin vacibliyini bildirmişəm. Bu gün siyasi planda bir çox mutərəqqi ideyalarla yanaşı, qeyri-neft sektorunun inkişafını da rəhbər tutmaq dövrün çağırışıdır və Prezidentin xüsusən son dövrdəki çıxışları bunun bariz nümunəsidir.
3-cü mühüm istiqamət islahatlarda qərarlı olmanı nümayiş etdirməkdir.
– Siz Prezidentin bu istiqamətlərdə çağırışlarını müdafiə edirsinizmi?
– Partiyamızın mövqeyi məramnaməmizdə əks olunmaqla yanaşı, bələdiyyə, parlament və prezident seçkilərində təbliğat dönəmində bütün cəmiyyətə bəyan olunub. Prezident tərəfindən sərgilənən mövqe prinsiplərimizə uyğundur. Yeri gəlmişkən, mən özüm də pandemiya sonrakı dövr üçün dirçəliş mahiyyətli təkliflərimi ardıcıl verirəm və bu davamlı olacaq. Biz partiya olaraq islahatlar kursunun milli strateji hədəflərə xidmət etdiyini qəbul edir və dəstəkləyirik. Çünki biz olkəmizin üzləşdiyi taleyüklü məsələlərə munasibətə adekvat olan yeni bir cəmiyyət anlaşması və davranışına ehtiyac olduguna inanırıq. İslahatların uğurla davam etməsini arzulayan milli-demokratik düşərgəyə aid olan müxalifətin fəaliyyəti ən azından bu kursa munasibətd rasional implus olmalıdır.

Hurriyyet.org