Salam, xoş gəlmisiniz.

”Qarabağ” dünya azərbaycanlılarının qürur yerinə çevrilib”

2017-08-23 11:03:17

”Qarabağ” dünya azərbaycanlılarının qürur yerinə çevrilib”

“Özüm futbol azarkeşi olduğum üçün “Qarabağ” klubunun Avropa liqalarda oyunlarını izləyirəm. Bu gün “Qarabağ”la qürurlanmamaq mümkün deyil. Azərbaycan futbolunun bu səviyyədə Avropanın nüfuzlu liqalarında çıxış etməsi böyük hadisədir”.

Diaspora hərəkatının fəallarından biri Elnur Eltürkün Hurriyyet.org-a verdiyi məlumata görə, bu sözləri Belçikanın tanınmış komediya aktyoru Erhan Demirçi 23 avqustda baş tutacaq “Qarabağ”-“Kopenhagen” oyunu ilə bağlı fikirlərini şərh edərkən bildirib.

“İşlərimlərin çoxluğu ilə bağlı oyuna gedə bilməsəm də, belçikalı dostlarımla “Qarabağ”ın oyununu izləyəcəm. “Qarabağ” bizim ürəyimizdir. Arzumdur ki, bu il “Qarabağ”ı Çempionlar Liqasında görə bilək. Çempionlar Liqası Azərbaycana yaraşır. “Qarabağ” dünya azərbaycanlılarının qürur yerinə çevrilib. ”Qarabağ”a uğurlar arzulayıram”.

 Qeyd edək ki, Erhan Demirçi əslən Azərbaycan türküdür. Babaları İrəvana yaxın olan Dəmirçi kəndindəndirlər. Aktyorun atası Ayhan Demirçi Belçika - Azərbaycan Dostluq Cəmiyyətinin sədri, Avropada erməni diasporuna qarşı ciddi mübarizə aparan şəxslərdən biridir.

Loading...

Şərhlər


Sağlamlıq


Əlaqə məlumatları

Baş redaktor: Vüqar Məmmədov | 050/070 333 22 85
Ünvan: AZ 1008, Bakı, akademik Ələşrəf Əlizadə küçəsi 13
Telefonlar: (012) 496 10 72, 496 08 35 | (012) 496 98 93