"3 uşağım var idi, onu sevəndən sonra ailəm dağıldı" – Qətl törədib, intihar etmək istəyən şəxs

16 Sentyabr, 2019, 11:18
1 Ulduz2 Ulduz3 Ulduz4 Ulduz5 Ulduz (Ulduz ver)
Loading...

Sevgi münasibətində olduğu qadını qətlə yetirən şəxsin məhkəməsi keçirilib.

Hurriyyet.org musavat.com-a istinadən xəbər verir ki, Bakı Ağır Cinayətlər Məhkəməsində qətl törətməkdə təqsirləndirilən Fərhad Abuşovun cinayət işi üzrə məhkəmə prosesi keçirilib.

Hakim Zeynal Ağayevin sədrliyi ilə keçirilən məhkəmə iclasında dövlət ittihamçısı ittiham aktını elan edib. İttihama görə, hadisə bu ilin iyun ayında Səbail rayonu Bayıl qəsəbəsində baş verib.

1981-ci il təvəllüdlü Mikayılova Kəmalə Hümmət qızı Arif İsmayılov küçəsində Fərhad Abuşov tərəfindən bıçaqlanıb. Kəmalə Mikayılova sürünərək qonşunun həyətinə keçib və orada vəfat edib. F.Abuşovla mərhum arasında sevgi münasibəti olub. Kəmalə Mikayılova ayrılmaq istəyərkən Abuşov tərəfindən qətlə yetirilib.

İttihamda göstərilir ki, F.Abuşov daha sonra yaxınlıqdakı Neftçi Qurban küçəsində tikilən çoxmərtəbəli binanın həyətində yerləşən kranın üstünə çıxaraq özünü öldürmək istəyib. Polis əməkdaşları tərəfindən aparılan profilaktik söhbətdən sonra o, intihar etmək fikrindən daşınıb və yerə düşüb. F.Abuşov saxlanılaraq istintaqa cəlb edilib.

Təqsirləndirilən şəxs özünü təqsirli bilib və əməlindən peşman olduğunu deyib. Abuşov ifadəsində bildirib ki, ilk ailə qurduğu qadından üç uşağı olub: "Kəmalə ilə münasibətim yarandı. Onu sevəndən sonra ailəm dağıldı".

K.Musayeva ona ayrılmaq istədiyini bildirdiyinə görə aralarında mübahisə yaranıb və ona bıçaq zərbələri vurub.

Məhkəmə araşdırması davam etdirilir.


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93