Salam, xoş gəlmisiniz.

"Paşinyan iqtidarı danışıqlarda maraqlı deyil" - MƏHƏMMƏD ƏSƏDULLAZADƏ

2019-09-10 12:45:11

"Paşinyan iqtidarı danışıqlarda maraqlı deyil" - MƏHƏMMƏD ƏSƏDULLAZADƏ

"Bundan sonra münaqişəni güc müstəvisi həllinə keçirmək lazımdır ki..."

"Azərbaycan və Ermənistan xarici işlər nazirlərinin növbəti dəfə görüşü gözlənilir. Bu görüşdə münaqişənin həlli ilə bağlı müsbət irəliləyiş olmayacaq". Hurriyyet.org-un məlumatına görə, belə bir açıqlama ilə Cənubi Qafqaz Təhlükəsizlik və Sülh İnstitutunun sədri, politoloq Məhəmməd Əsədullazadə çıxış edib.

Onun sözlərinə görə, bu, sadəcə görüş xatirinə bir imitasiyadır: "Yaxşı olardı ki, Azərbaycan xarici işlər naziri girovların dəyişdirilməsi istiqamətdə danışıqlar aparsın və həmsədrləri də bu prosesə cəlb etsin. Əgər girovların "hamının-hamıya" prinsipi ilə dəyişilməsinə Ermənistan razılaşmasa, demək ümumiyyətlə onlarla diplomatik danışıqlar üçün heç bir əsas qalmayacaq. Bundan sonra münaqişəni güc müstəvisi həllinə keçirmək lazımdır ki, İrəvan məcbur qalıb danışıqlar masasında otursun".

Hazırda rəsmi Bakının İrəvanla danışıqlara israr etdiyini vurğulayan politoloq hesab edir ki, Paşinyan iqtidarı danışıqlarda maraqlı deyil: "Və Qarabağla bağlı güzəştsiz mövqe ortaya qoyur. Elə bir vəziyyət yaratmalıyıq ki, Ermənistan bizimlə danışıqlar üçün israr etsin".

Vazeh BƏHRAMOĞLU, Hurriyyet.org

Loading...

Şərhlər


Sağlamlıq


Əlaqə məlumatları

Baş redaktor: Vüqar Məmmədov | 050/070 333 22 85
Ünvan: AZ 1008, Bakı, akademik Ələşrəf Əlizadə küçəsi 13
Telefonlar: (012) 496 10 72, 496 08 35 | (012) 496 98 93
Email: vuqar-mt@mail.ru, hurriyyet@mail.ru