Salam, xoş gəlmisiniz.

"Putini efirdə təhqir edən jurnalist işdən azad olunmayacaq" - “Rustavi 2”nin yeni rəhbəri

2019-07-20 12:57:12

"Putini efirdə təhqir edən jurnalist işdən azad olunmayacaq" - “Rustavi 2”nin yeni rəhbəri

Gürcüstanda Rusiya prezidenti Vladimir Putini efirdə təhqir edən müxalif “Rustavi 2” televiziya kanalının əməkdaşı Giorgi Qabunia işdən azad olunmayacaq.

Hurriyyet.org report-a istinadən xəbər verir ki, bu barədə kanalın yeni baş direktoru Paata Salia jurnalistlərə açıqlamasında bildirib.

Onun sözlərinəg görə, G.Qabunia ilə bağlı qəbul olunmuş iki aylıq məhdudiyyət başa çatandan sonra jurnalist “Rustavi 2”də işini davam etdirəcək.

Kanal əməkdaşının fəaliyyətinin məhdudlaşdırılması barədə qərara yenidən baxılmasına gəlincə, P.Salia bu məsələnin müzakirəsinə əsasın olmadığını deyib: “Hesab edirəm ki, Giorgi Qabunia ilə bağlı qəbul edilən qərarla bağlı cəmiyyətdə böyük konsensus olub”.

Qeyd edək ki, G.Qabunia iyulun 7-də aparıcısı olduğu “Postskriptum” proqramında Rusiya prezidenti V. Putinin ünvanına rus dilində qeyri-etik ifadələr işlədib, söyüş söyüb. Qalmaqallı proqram Gürcüstan cəmiyyətində ciddi narazılıqlara səbəb olub. “Rustavi 2” kanal rəhbərliyinin 8 iyul tarixli qərarı ilə jurnalist iki ay müddətinə vəzifəsindən uzaqlaşdırılıb.

Loading...

Şərhlər


Sağlamlıq


Əlaqə məlumatları

Baş redaktor: Vüqar Məmmədov | 050/070 333 22 85
Ünvan: AZ 1008, Bakı, akademik Ələşrəf Əlizadə küçəsi 13
Telefonlar: (012) 496 10 72, 496 08 35 | (012) 496 98 93
Email: vuqar-mt@mail.ru, hurriyyet@mail.ru