Ramiz Zeynalovun qaynı oğlunu qətlə yetirən şəxs MƏMUR OĞLUDUR

3 Sentyabr, 2019, 8:48
1 Ulduz2 Ulduz3 Ulduz4 Ulduz5 Ulduz (Ulduz ver)
Loading...

Həmin şəxsin Ağsunun keçmiş deputatı Ərəstun Cavadovun Niyazi adlı qardaşının oğlu olduğu deyilir

Avqustun 31-də paytaxtın Yasamal rayonu, Həsən bəy Zərdabi küçəsində Baş Dövlət Yol Polisi İdarəsinin rəisi, polis general-mayoru Ramiz Zeynalovun qaynının oğlu 35 yaşlı Fərid Məmmədzadə ürək nahiyəsindən bıçaqlanıb. Onu xəstəxanaya çatdırsalar da, həyatını xilas etmək mümkün olmayıb. Artıq polis və prokurorluq əməkdaşlarının birgə həyata keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən Həbib Babaverdiyev saxlanılıb.

Məlumata görə, H.Babaverdiyev avtomobil ilə H.Zərdabi küçəsində hərəkətdə olarkən qarşısında gedən maşının sürücüsü F.Məmmədovdan ona yol verməsini istəyib. Bunun üstündə tərəflər arasında mübahisə düşüb və nəticədə H.Babaverdiyev F.Məmmədzadəni bıçaqlayıb. Şübhəli bilinən Bakı şəhər sakini H.Babaverdiyevlə yanaşı, C.Cavadlı və R.Bünyatzadənin də saxlanıldığı bildirilir. Faktla bağlı Bakı Şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

“Hürriyyət”ə verilən məlumata görə, Baş Dövlət Yol Polisi İdarəsinin rəisi Ramiz Zeynalovun qaynı oğlu Fərid Məmmədzadəni qətlə yetirən şəxs məmur oğludur. Bildirilir ki, həmin şəxs Ağsunun keçmiş deputatı Ərəstun Cavadovun Niyazi adlı qardaşının oğludur. Niyazi Cavadov özü isə Ərəbmehdibəy kəndinin bələdiyyə sədridir. Məlumatda o da qeyd olunur ki, hadisə həqiqətən maşına yol verməmək üstündə baş verib.

“Hürriyyət”


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93