Rusiyalı milyarder biznesmen İNTİHAR EDİB

7 May, 2020, 0:17
1 Ulduz2 Ulduz3 Ulduz4 Ulduz5 Ulduz 1 xal, ortalama: 5,00
Loading...

Rusiyalı milyarder iş adamı Dmitri Bosov intihar edib.

52 yaşlı biznesmenin cəsədi onun Moskva vilayətinin Usovo qəsəbəsində yerləşən malikanəsində tapılıb.

Dmitri Bosov “Vostokuqol” və “Sibantrasit” şirkətlərinin əsas səhmdarı sayılırdı. “Sibantrasit” antrasidin (daş kömürün növüdür-red.) hasilatı və ixracatına görə dünyada, metallurgiya kömürünün istehsalına görə isə Rusiyada lider sayılır. “Sibantrasid”in malik olduğu aktivlər arasında Moskvada yerləşəm “Artplay” Memarlıq və dizayn mərkəzi də var. Bundan başqa, şirkət Baykal-Amur magistralının bir hissəsi olan Şimal-Amur tunelinin tikintisi ilə də məşğuldur.

Bu il may ayının əvvəlində Dmitri Bosovun ABŞ-ın Kaliforniya ştatında marixuana istehsal edən “Genius Fund Group” firmasına sərmayə qoyduğu ortaya çıxıb. Ötən ayın sonlarında ona və biznes tərəfdaşlarına qarşı ABŞ-ın əmək qanunvericiliyinin pozulması faktına görə iddia qaldırılmışdı.

Frensis Raçoppi adlı ABŞ ordusunun veteranı, habelə “Genius Fund Group” şirkətinin keçmiş əməliyyat diretktoru onlardan 1 milyon dollar təzminat tələb edirdi.

Dmitri Bosova qarşı digər iddia onun “Vostokuqol” və “Sibantrasid” üzrə keçmiş partnyoru Aleksandr İsayev tərəfindən verilib.

Ötən il “Forbes” jurnalı Dmitri Bosovu 11 milyard dollarlıq sərvəti ilə Rusiyanın ən zəngin insanlarının siyahısında 83-cü sırada göstərmişdi. \\Musavat.com


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93