SUMQAYITDA DƏHŞƏT YAŞANDI! – 4 hərbçi həlak oldu, 1-i ağır yaralandı / ADLARI, YENİLƏNİB 4

26 May, 2020, 12:56
1 Ulduz2 Ulduz3 Ulduz4 Ulduz5 Ulduz 4 xal, ortalama: 4,75
Loading...

Baş Dövlət Yol Polisi İdarəsi (BDYPİ) Sumqayıtda 5 nəfərin ölümü, 2 nəfərin isə xəsarət alması ilə nəticələnən ağır yol-nəqliyyat hadisəsi ilə bağlı məlumat yayıb.

Məlumatda deyilir:

“26 may 2020-ci il tarixdə, saat 07:30 radələrində Sahil-H.Z.Tağıyev avtomobil yolunun Sumqayıt şəhəri ərazisindən keçən 1-ci km-də 1992-ci il təvəllüdlü Qafarlı Ceyhun Mehman oğlu idarə etdiyi “Saipa Saina EX” markalı 99-PB-542 dövlət qeydiyyat nişanlı minik avtomobili ilə Sahil qəsəbəsi istiqamətində hərəkətdə olarkən yük avtomobilini ötmək məqsədilə yolun əks hərəkət zolağına çıxaraq qarşıdan gələn 1984-cü il təvəllüdlü Xırdalan şəhər sakini Əliyev Ramil Gülhəsən oğlunun idarə etdiyi “Opel Vectra” markalı 01-BZ-361 dövlət qeydiyyat nişanlı avtomobillə toqquşub.

Nəticədə “Saipa Saina EX” markalı avtomobilin sürücüsü və sərnişinləri 1990-cı il təvəllüdlü Pənahlı Fərid Kərim oğlu, 1991-ci il təvəllüdlü Qafarov Toğrul Bəhman oğlu, 1983-cü il təvəllüdlü Yusifov Şərbət Araz oğlu, habelə “Opel Vectra” markalı avtomobilin sərnişini 1956-cı il təvəllüdlü Bakı şəhər sakini Yusubov Mənaf Nüsübət oğlu hadisə yerində ölüblər, “Opel Vectra” markalı avtomobilin sürücü və “Saipa Saina EX” markalı avtomobilin sərnişini 1991-ci il təvəllüdlü Musazadə Azər Mürvət oğlu isə xəsarət alaraq xəstəxanaya yerləşdiriliblər”.

12:52 ***

Sumqayıtda 5 nəfərin ölümü ilə nəticələnən yol-nəqliyyat hadisəsi ilə bağlı cinayət işi başlanıb.

Bu barədə Daxili İşlər Nazirliyinin (DİN) mətbuat xidmətindən APA-nın sorğusuna cavab olaraq məlumat verilib.

Bildirilib ki, faktla bağlı Sumqayıt şəhər Polis İdarəsində Cinayət Məcəlləsinin 263.3-cü (yol-istismar qaydalarını pozma, iki və daha çox şəxsin ölümü ilə nəticələnəndə) maddəsi ilə cinayət işi başlanıb, ekspertizalar təyin edilib, zəruri istintaq tədbirləri həyata keçirilir.

Qeyd edək ki, bu gün səhər saatlarında Sumqayıt şəhərində “Saipa” və “Opel” markalı iki minik avtomobilinin toqquşması nəticəsində 4 hərbi qulluqçu və 1 mülki şəxs ölüb, 2 nəfər isə ağır xəsarət alıb.

11:30 ***

Xəbər verdiyimiz kimi, bu gün səhər saatlarında Sumqayıt şəhəri yaxınlığında “Bolt” markalı avtomobilin böyük sürətlə hərbçilərin olduğu “Saipa”ya çırpılması nəticəsində 4 nəfər hərbçi ölüb, biri ağır yaralıdır.

Hurriyyet.org-un əldə etdiyi məlumata görə, rəhmətə gedən maxe Pənahlı Ceyhun və gizir Qafarov Togrul subay, gizir Qafarlı Ceyhun və gizir Yusufov Şərbət isə ailəli olub.  Vəziyyəti ağır olan isə maxe Musazadə Azərdir.

Qəza zamanı həlak olan hərbçilərin ad və soyadlarını dəqiqləşdirmək üçün Müdafiə Nazirliyinin mətbuat xidmətinin əlaqə nömrəsinə zəng etsək də, təəssüf ki, telefona cavab verən olmadı. Nazirliyin qaynar xəttindən isə bildirdilər ki, “bayramla əlaqədar müvafiq şöbədə adam yoxdur. Biz isə cavab verə bilmərik. Sabah zəng edin”.

 

10: 29***

Sumqayıtda baş verən ağır qəzaya FHN əməkdaşları da cəlb olunub.

Fövqəladə Hallar Nazirliyindən verilən məlumata görə, “112” qaynar telefon xəttinə, Sumqayıt şəhərində “Saipa” və “Opel” markalı iki minik avtomobilinin toqquşması barədə məlumat daxil olub.

Hadisə yerinə cəlb olunan Sumqayıt Regional Mərkəzinin xilasetmə qüvvələri “Saipa” markalı minik avtomobilində sıxılı vəziyyətdə qalan 4 nəfərin meyitini (şəxsiyyətləri dəqiqləşdirilir) və müxtəlif xəsarətlər alan digər 1 nəfəri deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.

09:45 ***

Bu gün səhər saatlarında Sumqayıt şəhəri yaxınlığında dəhşətli avtomobil qəzası baş verib. Hadisə şahidlərinin Hurriyyet.org-a verdiyi məlumata görə, qəza nəticəsində 4 nəfər hərbçi ölüb, biri ağır yaralıdır.

Bildirilir ki, dəhşətli qəzaya taksi kimi fəaliyyət göstərən “Bolt” markalı avtomobilin böyük sürətlə hərbçilərin olduğu “Saipa”ya çırpılması səbəb olub. Qəza Müşfiq qəsəbəsindən Sumqayıta gedən yolda, qəbiristanlığın yanında baş verib. Taksi sürücüsünün də hadisə yerində can verdiyi bildirilir.

Qeyd edək ki, ölən hərbçilərdən ikisinin ailəli, digər ikisininin isə subay olduğu deyilir. Onların adlarını dəqiqləşdirməyə çalışırıq.

Əlavə məlumat verəcəyik.

Hurriyyet.org

 

 


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93