“Türkiyə dövləti heç bir vətəndaşını tək qoymayacaq” – ALTUN

31 Mart, 2020, 13:12
1 Ulduz2 Ulduz3 Ulduz4 Ulduz5 Ulduz (Ulduz ver)
Loading...

“Görülən tədbirlər nəticəsində hazırda dərman və qida ilə bağlı problemimiz yoxdur. Türkiyə, səhiyyə sistemi baxımından olduqca yaxşı vəziyyətdədir.”

Bu sözləri Türkiyə Prezident Administrasiyasının İctimaiyyətlə Əlaqələr İdarəsinin rəhbəri Fəxrəddin Altun deyib.

“Reanimasiya yataqlarının sayına görə ABŞ və İngiltərə kimi bir çox inkişaf etmiş ölkəni üstələyirik. Maska, dezinfeksiyaedici vasitələr və testlərlə də bağlı hər hansı bir çatışmazlığımız yoxdur. Süni tənəffüs aparatlarına gəldikdə, çatışmazlıqlarımızın aradan qaldırılması istiqamətində intensiv işlər aparılır. Süni tənəffüs aparatlarının istehsalında da böyük irəliləyişlər əldə edirik. Bundan əlavə, xalqımızın təmizlik səviyyəsi dünya standartlarından yüksəkdir. Cəmiyyətimizdə əl yumaq, kolonya təklif etmək və tez-tez yuyunmaq kimi vərdişlərin olması səhiyyə sistemimizin işini yüngülləşdirən amillərdir.

Millətimiz hər zaman olduğu kimi dövlətimizin yanında olmağa davam edir. Bu sayədə böhranı çox tez bir zamanda aradan qaldıracağımıza inanıram. Geldiyimiz bu nöqtədə millətimizlə birlikdə təmkinli davranaraq birliyimizi, bərabərliyimizi, qardaşlığımızı və həmrəyliyimizi möhkəm qoruyub saxlayırıq. Yeganə məsələmiz bu epidemiyadan xalq olaraq ən az ziyanla xilas olmaqdır. 

AFAD-ın koordinasiyasındakı Vəfa Sosial Dəstək Qrupu və bələdiyyə işçiləri xroniki xəstəlikləri olan və yaşı 65 yaşdan yuxarı olan vətəndaşların ehtiyaclarını yerində ödəmək üçün çalışır. Türkiyə dövləti bu epidemiyada heç bir vətəndaşını tək qoymayacaq”, – deyə Altun bildirib.

Hurriyyet.org


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93