Yeni orfoqrafiya lüğətində bu sözlər olmayacaq

30 Avqust, 2019, 15:12
1 Ulduz2 Ulduz3 Ulduz4 Ulduz5 Ulduz (Ulduz ver)
Loading...

Yeni "Azərbaycan dilinin orfoqrafiya lüğəti"nin nəşrə göndərilməsi üçün son tamamlanma işləri aparılır.

Hurriyyet.org xəbər verir ki, bunu "Report"a açıqlamasında AMEA-nın Dilçilik İnstitutunun direktoru, akademik Möhsün Nağısoylu deyib.

Onun sözlərinə görə, Elmi Şuranın iclasında yeni lüğətə daxil edilən və əvvəlki lüğətdən çıxarılan bütün sözlərin müzakirəsi yekunlaşıb.

Akademik bildirib ki, lüğətin sentyabr ayında nəşrə göndəriləcəyi dəqiqləşib: "Hazırda mən lüğəti sonuncu dəfə redaktə edirəm. Redaktəni bitirdikdən sonra lüğət gələn ay birbaşa nəşrə göndəriləcək və çapdan sonra lüğət ictimaiyyətə təqdim ediləcək. Bir məsələni xüsusi olaraq qeyd edim ki, lüğətdə eyni mənanı ifadə edən iki oxşar sözlərdən biri çıxarılıb. Misal üçün, eyni mənanı ifadə edən lampa və ləmpə, altun və altın, haçan və haçaq sözlərindən biri lüğətdən xaric edilib".

Qeyd edək ki, Dilçilik İnstitutuna daxil olan yeni təkliflərlə əlaqədar olaraq yeni "Azərbaycan dilinin orfoqrafiya lüğəti"nin iyun ayının əvvəlində nəşrə göndərilməsi təxirə salınıb.

Xatırladaq ki, "Azərbaycan dilinin orfoqrafiya lüğəti" təqribən 5 ildən bir hazırlanır.


Rəsmi e-poçt ünvanımız: [email protected]




Əlaqə məlumatları

Baş redaktor: Vüqar Məmmədov | 070 333 22 85
E-Poçt ünvanımız | [email protected]
Ünvan: AZ 1008, Bakı, akademik Ə.Əlizadə küçəsi 13
Telefonlar: (012) 496 10 72, 496 08 35 | (012) 496 98 93